Matayo 19:9 - KITABU KITAKATIFU

⁹ Inzi muvooleraa, ku vosi ukunga umukali weve nigataveeye ku kivuni cho voheyi, ma aleete umukali wundi, akolaa ovoheyi. Mundu oleeta umukali wakungwa, akolaa ovoheyi naye.”

Matayo 19:9 Iomraidhean Croise

Litanga 20:3

Navuzwa Nyasaye yaloleka kuye mu maloto namuvolera, “Ivi ulakuza kigira umali kuvugura mukali uyu oveeye wu musaza wundi.”

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Ezekieli 16:15

“Navuzwa mwasuuvira mu vulahi vwinyu ligali kandi nimutumikira limanyikana lienyu kokora uvulaya. Mwamanya nimwihaana ku mundu woosi wa mwanyoola.

Ezekieli 16:29

Mwakora uvulaya kandi na vandu va Babiloni, ihiiri ya vandu vakoola uvukala, navuzwa si mwaduukiza lienya lienyu mba.”

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Matayo 19:10

Aviigi veve vamuvolera, “Niiva amakuva gu mundu musaza nu mukali weve gaveeye kuli ndio, nivulahi kuvula koleta umukali.”

Matayo 19:8

Yeso yavativulira, “Musa yahaana munwa kukunga avakali vinyu kigira uvudinyu vwi mioyo jinyu. Nitali sigali ndio kutura mu litanga lie lirova mba.

Matayo 5:32

Navuzwa kalunu inzi muvooleraa, mundu woosi ukunga mukali weve, ni kivuni choosi nigatali kivuni chu kuvula kuva, musuuvirifu aveeye ni lihiolo liu kumukola muheyi niiva alazia lukali kandi; kandi mundu woosi oleeta mukali wakungwa akolaa ovoheyi naye.

Luka 16:18

“Ku woosi ukunga mukali weve, naleta mukali wundi, akolaa ovoheyi; kandi ku woosi oleeta mukali uwakungwa kutura ku musaza, akolaa ovoheyi naye.

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

1 Vakorintho 7:39

Mukali waletwa siaveeye muvoholore kuzia lukali lundi ing'inga yoosi yu musaza weve aveeye mwoyo mba. Navuzwa niiva musaza weve alakuza, aveeye muvoholore koleetwa nu musaza wundi woosi wu mwene ayaanza; navuzwa niiva musaza zana aveeye Mukristayo

1 Vakorintho 7:4

Mukali siaveeye nu vunyali ku muviri gwigwe mwene mba, navuzwa musaza aveeye navwo. Gaveeye ndio kandi, musaza siaveeye nu vunyali ku muviri gwigwe mwene mba, navuzwa mukali aveeye navwo.