Matayo 19:5 - KITABU KITAKATIFU

⁵ kandi Nyasaye yavoola, ‘Kigira yaga musaza alaleka baba na mama weve, kandi ahambane nu mukali weve; navo vaviri valagwa muviri mulala’

Matayo 19:5 Iomraidhean Croise

Litanga 34:3

Navuzwa mwoyo gwa Shekemu gwayaanza Dina mukaana wa Yakobo kunangwa yamoloma kuye nu mwoyo gwokogooha ligali.

2 Samweli 1:26

“Inzi mbereraa kigira ivi, amwavo wange Jonazani Ivi oveeye wukuyaanziza ku inzi! Uvuyanzi vuvwo ku inzi vwali vwokogenyia; uvulahi ligali kuvita uvuyanzi vwa vakali.

1 Avami 11:2

Yavaleeta kali Yahova ni yaali niyalaga Avisiraeli vataleetana na vandu yava, kigira valakola Isiraeli kusigamira avanyasaye vandi.

Zaburi 45:10

Omwiha wu mwami, huliriza ku agambooraa, yivilira avandu vovo na viko vovo,

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

Matayo 19:6

Kunangwa si vaveeye vaviri kandi, navuzwa muviri mulala. Kigira yaga, cha Nyasaye yahambanyia harara, mundu atachavukanyia mba.”

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

1 Vakorintho 6:16

Anoho, si mumanyi ndi mundu uhambanyia muviri gwigwe nu muheyi agwiyi muviri mulala naye? Mang'oda Matakatifu gavoora havulavu ndi, “Vombi vaviri valagwa umuviri mulala.”

1 Vakorintho 7:2

Navuzwa kigira ligerizwa ku likora voheyi limeedeki ligali, gaduukiraa musaza sa mulala ave nu mukali weve mwene, kandi mukali sa mulala adukanaa ave nu musaza weve mwene.

1 Vakorintho 7:4

Mukali siaveeye nu vunyali ku muviri gwigwe mwene mba, navuzwa musaza aveeye navwo. Gaveeye ndio kandi, musaza siaveeye nu vunyali ku muviri gwigwe mwene mba, navuzwa mukali aveeye navwo.

Vafeso 5:31

Kuli Mang'oda Matakatifu gavoora, “Kigira yaga, musaza alaleka baba na mama weve naye alahambanywa nu mukali weve. Yava vaviri valagwa muviri mulala.”

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 11:22

“Mulonde amalago gamali kuhaana kumunyi yaga goosi nu vusuuvirifu muyanze Yahova Nyasaye winyu, mukore vindu viosi via amulagaa kandi muve avasuuvirifu kuye.

Kwidzulitsa 4:4

Navuzwa munyi, avamwali avasuuvirifu ku Yahova Nyasaye winyu mukikiri mwoyo kuduuka lero.

1 Samweli 18:1

Lwa Daudi yaali niyakamara kuvolerana na Saolo yaga, mwoyo gwu muyaayi wa Saolo Jonazani yayanzizwa ligali na Daudi, ma naamuyaanza ligali kuli yiyaanza mwene.

1 Samweli 25:43

Daudi yaali niyaleeta Ahinoamu kutura mu lidaala lia Jezireeli, na kalunu Abigaeli kandi yagwa mukali weve.