Matayo 18:9 - KITABU KITAKATIFU

⁹ Emoni yooyo nekolomba okole uvwoni, ugitulizi ma ugisiuvi. Ni vulahi ukwingira mu livamwoyo noveeye ne emoni ndala, kuvita kusiuvwa mu muliru gwe gehena noveeye ni zimoni zizio ziombi.

Matayo 18:9 Iomraidhean Croise

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Matayo 18:8

“Niiva mukono gugwo anoho kerenge chicho ni kikwikigitaliza ma vikolombe okole uvwoni uvikalage ma uvisiuvi ihale. Ni vulahi ivi kwingira mu livamwoyo vugira mukono anoho kerenge, kuvita kusiuvwa mu muliru gwi mihiga ni mihiga noveeye na makono gombi anoho ivirenge viombi.

Matayo 19:17

Yeso yamuvolera, “Kigira ki oteeva inzi kigira kindu keveeye ikilahi? Aveeye ho mulala wenyine vuzwa oveeye umulahi; naye ni Nyasaye. Navuzwa ivi ni wenyaa kwingira mu livamwoyo ugumiri amalago.”

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Matayo 5:29

Niiva emoni yooyo inungi nekolomba okole uvwoni, ugitulizi, ugisiuvi ihale! Vwakaveeye vulahi ligali kuvita ivi kogotiza kilala ku vivero viu muviri gugwo, kuvita umuviri gugwo gwosi kusiuvwa mu gehena.

Marko 9:47

Kandi emoni yooyo ne kokoloa okole uvwoni, ugitulizi! Nivulahi, kwingira mu vwami vwa Nyasaye ne moni ndala kuvita kuva ni zimoni ziombi na usiuvwi mu gehena.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.