Matayo 18:3 - KITABU KITAKATIFU

³ navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 18:3 Iomraidhean Croise

Zaburi 131:2

Mu vogono yivwo inzi mwene nzituliiyi kandi mbeeye mu mirembe. Kuli mwana agonaa makiriri ku magulu ga mama weve, nindio mwoyo gwange gwelemelizi mu inzi.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Matayo 18:2

Yeso yalanga umwana mukekeeke, na amusingiriza hagati haavo,

Matayo 18:4

Ku vosi uwegehizaa kuli umwana mukekeeke uyu, aveeye umunene mu Vwami vwu mwigulu.

Matayo 19:14

Yeso yavoola, “Leki avana vakekeeke vaze ku inzi. Mutavigalira mba, kigira Uvwami vwu mwigulu voveeye vwa avandu kuli yava.”

Matayo 19:23

Yeso yavolera aviigi veve, “Ligali muvooleraa, vulakave vudinyu ligali ku vatugi kwingira mu Vwami vwu mwigulu.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 5:20

Yiki nicho kigira nimuvoolera ndi, uvulungi vwinyu nivutavita uvwa vang'odi vi lilaga na Avafarisayo, simulakingiri mu Vwami vwu mwigulu mba.

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 6:2

“Lwa okonyaa mudaka mutevoola kuli avagaadi vakora mu masinagogi nu muzinzira kunangwa avandu vaduuki kuvizominya mba. Muvooleraa ligali, vamali konyoora amadanyi gaavo.

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Luka 22:32

Navuzwa inzi mali kukusaalira ku Nyasaye, Simoni, ndi lisuuvira liilio litageha mba. Lwa ivi wirana ku inzi, uladinyiriza mioyo ja avamwavo vovo.”

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 28:27

Mioyo ja avandu yava jigwiyi midinyu, amatu gaavo gahaani, vamwolizi zimoni ziavo. Galavula ndio, ngano valora ni zimoni ziavo, kandi ngano vahulira na amatu gaavo. Ngano vamanya ni mioyo jaavo nu kwiganira, Mwami avoora, na inze ndavahonyia.’ ”

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.