Matayo 18:25 - KITABU KITAKATIFU

²⁵ Mundu oyo siyaali ni kindu chu kutunga mba. Mwami weve yaatuliza lilago agulizwi harara nu mukali weve kandi vana veve, ni vindu viosi via yaali navio, ligovi liduuki kutungwa.

Matayo 18:25 Iomraidhean Croise

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Nehemia 5:8

Ndavavolera, “Kunyi lwa kunyaliza, kwiranyia avamwavo viitu Avayuda avaari niviguliza aveene kuvageni. Navuzwa kalunu munyi munigaa aviiko vinyu ukwiiguliza aveene ku munyi, Avayuda vache vaavo!” Aviimiliri zana vachiring'ana makiriri kigira vamanya ndi amakuva yaga gaveeye agiligali.

Kutwula 21:2

Niiva ugula mutugwa Muheburaina, alamutumikira kulwi mihiga sita. Mu muhiga gwa saba, kuduuka alakulwi kuva muvoholore vugira kutunga kindu choosi.

Kutwula 22:3

navuzwa niiva galekoleka mbasu, mundu yiiti mwivi oyo aveeye nilihiolo liukuruminda. “Kuduuka mwivi atuungi vindu via yiva, navuzwa niiva siaveeye nichatunga, kuduuka agulizwi kuli mutugwa aduuki kutunga ivindu via yivi.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Kyavalevi 25:39

Niiva umundu wa Isiraeli wache omenya himbi nimunyi alagwa mudaka ligali kali kuduuka yigulizi mwene ku munyi kuli mutugwa, mutaleka akole miyinzi jumutugwa mba.

Matayo 18:24

Lwi livaliza liatanga, yaleetelwa umundu mulala uwaali ni ligovi lie zitalenta zielefu likomi.

Luka 7:42

Kunangwa avandu vaviri yavo, siyaali ku ho uwaali na mabese giukwilanyira mwene gio mba. Mwegobizi oyo yavasamiha vosi. Ku yava vaviri ni uliha ulimuyaanza kuvita?”