Matayo 18:24 - KITABU KITAKATIFU

²⁴ Lwi livaliza liatanga, yaleetelwa umundu mulala uwaali ni ligovi lie zitalenta zielefu likomi.

Matayo 18:24 Iomraidhean Croise

Litanga 44:10

Mutumikiri yavoola, “Galava kuli ndio. Nitali oyo onyooleka ne kekombe mu musigo gwigwe, alava mutugwa wu munene wange, na vandi vosi mulava avavoholore.”

1 Kyetsinyinga 29:7

vindu yivi ku vutumiki vwi Litembeli lia Nyasaye: Kuvita zikilo 170,000 zie zahabu, kuvita zikilo 340,000 ziefeza, ahimbi zikilo 620,000 ziu mugasa, kandi kuvita zikilo 3,400,000 zie kivia.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Zaburi 38:4

Uvwoni vwange vunguniki kali kuduuka kumutwi gwange kuli musigo muliduhu, ugwa inzi ndakavuli kuginga.

Zaburi 40:12

Uvudinyu vunyingi uvutanyala kuvalizwa vuungumbirizi! Uvwoni vwange vung'umiyi, kali sinyala kolola uwanziza kandi mba. Voveeye uvunyingi kuvita iliisu liu ku mutwi gwange; kandi mali kogotiza uvuluviliri mu mmwoyo gwange.

Matayo 18:23

kigira yaga, Uvwami vwu mwigulu voveeye kuli mwami mulala wenyaa kuvaliza amagovi ga vatumikiri veve.

Matayo 18:25

Mundu oyo siyaali ni kindu chu kutunga mba. Mwami weve yaatuliza lilago agulizwi harara nu mukali weve kandi vana veve, ni vindu viosi via yaali navio, ligovi liduuki kutungwa.

Matayo 25:15

Yavaha sa mulala kolondekana ni zinguru zizie. Mulala yamuha ivigero vitano via mabese ivilangwa zitalenta, wundi vigero vie zitalenta ziviri; na wundi kegero chi italenta ndala, ma nazia.

Matayo 25:16

Uyu wahevwa zitalenta zitano yazia naakiranyia nanyoora uvukala vwi zindi zitano.

Matayo 25:20

Mutumikiri wahevwa zitalenta zitano yaza namuvolera, ‘Mwami, wamba zitalenta zitano. Henza, mbeeye ni zindi zitano, uvukala vwa ndaanyoora.’

Matayo 25:22

“Umutumikiri wahevwa zitalenta ziviri yaza navoora, ‘Mwami, wamba zitalenta ziviri. Henza, mbeeye ni zitalenta zindi ziviri; uvukala vwa ndanyoora.’

Matayo 25:24

“Navuzwa oyo uwahevwa ekegero kilala chi talenta yaza navoora, ‘Mwami, ndaamanya ivi oveeye mundu mululu. Ogesanga ha wavula kutaga, kandi uvungiza ha wavula kusalanyia.

Luka 13:4

Anoho avandu vaali likomi na munane avu munara gwagwira mu Siloamu nivakuza; muganaganaa vaali avoni kuvita avandi vosi avamenyaa mu Jerusalemi?

Luka 16:5

“Kunangwa, yalanga avandu vaali na magovi gu mwami weve, vosi sa mulala. Yavolera wukutanga, ‘Ni ligovi lihera ki liu Mwami wange lia oveeye nalio?’

Luka 16:7

Yateeva kandi uwiligovi wundi, ‘Ivi uvanzwa ligovi lihera ki?’ Naye yamutivulira: ‘Amagunia elefu ndala agingano.’ Mulindi oyo yamuvolera: ‘Vugula ibarwa yooyo yiligovi, ong'ode zimia munane.’