Matayo 18:12 - KITABU KITAKATIFU

¹² “Muganaganaa ndi? Mundu naava naveeye na magondi mia, ma agotizi lilala kugo, amanyaa akola ki? Alekaa agatigaye makomi tisa na tisa mu vigulu, kandi azia kwenya iligoti lila.

Matayo 18:12 Iomraidhean Croise

1 Avami 21:17

Maku Yahova yavolera Elija, muporofeti kutura Tishibe,

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:28

Zihiiri si zilavalanya kandi mba, anoho zinyama ziu muvulimu si zilavadiviza kandi mba. Valamenya mu mirembe, kandi mundu kali mulala sinavatiihizi mba.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Matayo 12:11

Navuzwa Yeso yavavolera, “Niiva, mulala ku munyi aveeye ni ligondi lilie iligwiyi muliliina; si alaligumira nu kulituliza mu ku lidiku lie lisabato?

Matayo 18:13

Niiva alinyoora; muvooleraa agiligali, alisangaliraa kuvita vusangali vwa asangalira agandi tisa na tisa, agavula kogota gala.

Matayo 21:28

“Munyi muganaganaa ki? Mundu mulala yaali na vayaayi vaviri. Yazia ku muyaayi munene namuvolera, ‘Umwana wange, lero zia uyinziri mu mulimi gwi mizabibu.’

Matayo 22:42

“Munyi muvooraa ki ku makuva ga Mesia? Aveeye wi kisukururwi cha vwaha?” Vaamutivulira, “Aveeye wi kisukururwi cha Daudi.”

1 Vakorintho 10:15

Inzi molomaa ku munyi kuli mbolera avandu vaveeye no vogeri; mwikalagiri aveene ku gamboolaa.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.