Matayo 17:20 - KITABU KITAKATIFU

²⁰ Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 17:20 Iomraidhean Croise

Matayo 13:31

Yeso yavavolera lugano lundi: “Uvwami vwu mwigulu kuli luguza lwi lisaazi, ulwu mundu yavugula nalutaaga mu mulimi gwigwe.

Matayo 14:29

Yeso yavoola, “Vulahi, Hamba.” Petero yika natura mu liato, nagenda ku mazi kuzia ku Yeso.

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Matayo 17:19

Maku aviigi vazia ku Yeso naveeye yenyine, nivamuteeva, “Kigira ki kunyi sikwaali kunyala kukunga ilidemoni yilio?”

Matayo 17:9

Lwa vaali ni vasulunguta kutura mu kiguru, Yeso yaviganihiza navoora, “Mutavoolera umundu kali mulala malola yaga mba, kuduuka lwu Umwana wa Adamu alisimuguka kutura mu vakuzu.”

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Marko 11:22

Yeso yavavolera, “Muve ni lisuuvira mu Nyasaye.

Marko 11:23

Muvooleraa agiligali niiva mundu woosi alavolera ikigulu yiki chigingi ichene kigwi munyanza vugira kuhayahayiza mu mwoyo gwigwe, navuzwa asuuviri ndi agaavoola galakolwa, alakolerwa agene yago.

Marko 4:31

Loveeye kuli luguza lwi lisaazi, oloveeye olokekeke kuvita uvuguza vwosi mu lirova.

Marko 9:23

Yeso, yamuvolera, “Yee, niiva ivi umwene unyala! Ivindu viosi vinyalikaa ku mundu oveeye ni lisuuvira.”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 17:6

Mwami yavativulira, “Niiva lisuuvira lienyu liakaveeye likekeeke kali kuli luguza lwi lisaazi, ngano mwakavoleye mukuyu yigu, ‘Yihika ni miri josi na wisimiki munyanza,’ nu musaala yigwo gwakamuhuliyi.

Luka 18:27

Yeso yamutivulira, “Agatanyalika ku avandu, ganyalika ku Nyasaye.”

Yohana 11:40

Yeso yavavolera, “Singovoleye ndi niiva usuviraa ulalola uvukumi vwa Nyasaye?”

1 Vakorintho 12:9

Roho mulala mwere ahaanaa ku mulala lisuuvira, kandi ahaanaa ku wundi zingulu zio kohonyia.

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

Vahebraina 3:19

Kunangwa kolola ndi, sivali vanyara kwingira mu kivala cha valagwa mba, kigira livula kusuuvira.