Matayo 16:27 - KITABU KITAKATIFU

²⁷ Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Matayo 16:27 Iomraidhean Croise

Ayubu 34:11

Nyasaye ahaanaa madanyi ku vandu kugavakolaa kandi avakolera kuli gavadukiraa vakolelwe.

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Tsing'ano 24:12

Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Kohelethu 3:17

Ndavoora mumwoyo gwange, “Nyasaye alakakaragiri avandu valungi na vachamu likalaga lilala, kigira vuli kindu kandi vuli kekolwa kilakekoleke ing'inga yakialagilwamu.”

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Ezekieli 18:20

Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Ezekieli 7:27

Mwami alakasiome, na mwana wumwami alakuza mwoyo, kandi avandu valadegera nuvuti. Ndamuha mageri ku goosi gamumali kokora. Ndamukalagira munzira ndala nzere kuli mukalagiraa vandi. Yaga galamumanyia ndi inzi mbeeye Yahova.”

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Matayo 13:41

Umwana wa Adamu alatuma zingelosi veve, navo valavungiza kutura mu Vwami vwivwe ivindu viosi ivileetaa uvwoni, na vosi avaakoraa uvudamanu,

Matayo 13:49

Galava kuli ndio mu ing'inga ye keheri. Zingelosi valatura, kandi valavukanyia avandu vachamu kutura ku avalungi;

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Marko 14:62

Yeso yativura, “Inzi niyie. Mulalora Mwana wu Mundu niyikaye ku mukono mulungi gwa Nyasaye Wuvunyali, kandi niyazaa mu malesi gigulu.”

Marko 8:38

Niiva umundu woosi alava esoni kigira inzi na amigizu gange mu likula litaveeye na Nyasaye yiyi, kandi lichamu maku Mwana wa Adamu alakave zisoni naye lwaliiza. Zingelosi mu vukumi vwa Baba weve harara ni vatakatifu veve.”

Luka 21:27

Ing'inga yeyo, valalola Mwana wa Adamu ni yaazira mu malesi ni zinguru zinene kandi nu vukumi ovonene ligali.

Luka 22:69

Navuzwa kutura kalunu Mwana wa Adamu alikalizwa ku mukono mulungi gwa Nyasaye Wuvunyali!”

Luka 9:26

Mundu woosi ulivera inzi zisoni kandi amigizu gange, Mwana wa Adamu alakamuvere zisoni lwa aliiza mu vukumi vwivwe mwene nu mu vukumi vwa Baba nu vwi zingelosi vatakatifu.

Yohana 21:22

Yeso yamutivulira, “Niiva inzi nyenya ave mwoyo kuduuka lwa ndirana, gaveeye ki ku ivi? Ivi ononde.”

Yohana 21:23

Kunangwa, livoora yili lialanda ku valondi va Yeso ndi mwigi uyu sialakakuzi mba: navuzwa Yeso siyavola ndi mwigi uyu sialivula kukuza, nitali yavoola, “Niiva niyenyaa ave mwoyo kuduuka lwa ndirana, gaveeye ki ku ivi?”

Vikolwa 1:11

Vavavolera, “Munyi avandu va Galilaya! Kigira ki musingiyi ni muheezaa mwigulu? Yeso uyu, uvuguliywi kutura ku munyi kuzia mwigulu, alirana kandi kuli munyi mumuloli nazizaa mwigulu.”

Varumi 14:12

Kunangwa, sa mulala ku kunyi alakivaale makuva geege mwene, imbiri wa Nyasaye.

Varumi 2:6

Mu lidiku yilio, Nyasaye alakatungi vuli mundu woosi kolondekana ku miyinzi jije.

1 Vakorintho 15:23

Navuzwa sa mulala alakasimugikizwi kuli gaalohizirwa mwene: Kristo wu kutanga ku vosi; maku yavo avaliva va Kristo ing'inga yi liza lilie.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

1 Vakorintho 8:8

Navuzwa iviukulia sivinyala kukuhira ahimbi ku Nyasaye mba. Ni koleka kulia sikulagotiza kindu choosi mba, kinga nikuva ni kulia sikulavoola kindu choosi mba.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Vafeso 6:8

Mwizurizi ndi, Mwami alakahaane madanyi ku mundu woosi ave mutugwa anoho muvoholore.

Vakolosai 3:25

Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

Yudasi 1:14

Yaali Enoka, oveeye guuga okola saba kutura ku Adamu, uwaporofeta kigira vandu yava, navoora: “Henza, Mwami yaazaa ni iliihi lilie lie zielefu ni zielefu zinyingi zie zingelosi veve vatakatifu

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.