Matayo 16:26 - KITABU KITAKATIFU

²⁶ Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Matayo 16:26 Iomraidhean Croise

Ayubu 2:4

Setani yativura, “Ligodo ku ligodo! Mundu alahaana viosi via aveeye navio kunangwa aduuki kohonyia livamwoyo lilie umwene.

Ayubu 27:8

Ni lisuuvirizwa ki liveeye ho ku yavo avatatiizaa Nyasaye, ing'inga ya Nyasaye atulizaa ho livamwoyo liavo?

Matayo 16:25

Ku vosi umundu uwenyaa kohonyia livamwoyo lilie, alaligotiza. Navuzwa ku vosi mundu ogotiza livamwoyo lilie kigira inzi, alalinyoola.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Matayo 5:29

Niiva emoni yooyo inungi nekolomba okole uvwoni, ugitulizi, ugisiuvi ihale! Vwakaveeye vulahi ligali kuvita ivi kogotiza kilala ku vivero viu muviri gugwo, kuvita umuviri gugwo gwosi kusiuvwa mu gehena.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 9:25

Ni vulahi ki mundu anyoore kivala yiki choosi, navuzwa yidivizi?