Matayo 16:18 - KITABU KITAKATIFU

¹⁸ Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 16:18 Iomraidhean Croise

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

2 Samweli 18:4

Mwami munene yavavolera, “Choosi cha munyi muloraa kuva kilahi ligali, inzi ndakekola.” Kunangwa mwami yasingira handulu hi kirivwa, lwa avasaza vi liihi vosi vavita imbiri weve mu viduma vie zimia ni zielefu.

Ayubu 38:17

Ivi wamanywa ku virivwa vie likuza? Anoho, walola ku virivwa vie kivala cha vakuzu?

Zaburi 107:18

Vavihilirwa kuchukulia choosi kulia, kandi visunda ahimbi ni virivwa vie likuza.

Zaburi 127:5

Aveeye nuvugasu mundu oveeye navo vanyingi kuli mivano juvuta mu emodia. Sianyala kuguutwa lwayagana na vasigu veve mu kiyaalo mba.

Zaburi 129:2

“Kutura mu vuyaayi vwange avasigu vange vamali kuundambiza vululu ligali; navuzwa sivanyalizi kunguuta mba.

Zaburi 69:12

Vamoloma makuva gange kuzinzira, kandi avahambiku valomba zinyimbu ku inzi.

Zaburi 9:13

O, Yahova! Ombere zimbavasi, lola uvusaliri vwa avasigu vange valeta ku inzi! O, Yahova, osoore kutura mu kivi chi likuza,

Tsing'ano 24:7

Zing'ano zio vogeri ziveeye zindinyu ligali ku mundu musiru kuzimanya sivaveeye ni kindu cho kovora lwa makuva gi kivuni gamolomekaa ha vandu vaganira mba.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Isaya 38:10

Ndaganagana ndi ndakuza nimbeeye hagati hi mihiga jie limenya liange, nukuzia mu kivala cha vakuzu na mburi komenya kandi.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Jona 2:6

Ndiyina musi kuduuka hi vigulu vitangira, mu kivala chi virivwa viacho viahanwa mihiga ni mihiga. Navuzwa ivi O, Yahova Nyasaye wange, waanzilanyia kutura mu vogo nimbeeye mwoyo.

Matayo 10:2

Amita ga avatumwa yavo likomi na vaviri ni yaga: wu kutanga yaali Simoni ulangwa Petero, na Andereya amwavo weve; Yakobo umwana wa Zebedayo na Yohana amwavo weve;

Matayo 11:23

Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!

Matayo 18:17

Niiva asuraa kuvahulira, volera likanisa. Niiva asuraa kuhulira kali likanisa, ave ku ivi kuli avandu vatamanyi Nyasaye, kandi avasololi vuvusuuru.

Matayo 4:18

Lwa Yeso yaali nagenda ku lujinga lwinyanza ya Galilaya, yalora avaluvi vaviri avamwavo, Simoni ulangwa Petero na Andereya amwavo weve, nivaluvaa ni miluvu munyanza.

Matayo 7:24

“Kulwayago, mundu woosi uhuliraa amakuva gange, naagakora, aveeye kuli mundu mugeri, uwumbaka inyumba yeeye ku lwanda.

Yohana 1:42

Kunangwa yaleeta Simoni ku Yeso. Yeso yahenza Simoni navoora, “Ivi oveeye Simoni mwana wa Yohana. Kalunu ulalangwa Kefa.”

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

1 Vakorintho 15:55

“Likuza; liguuta liilio liveeye haliha? Likuza; zingulu zizio ziveeye haliha kusaliliza?”

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

Vafeso 5:32

Agiligali gaviswa yaga gaveeye manene, navuzwa gaveeye kelolero cha Kristo ni likanisa.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 21:14

Lidiji lie lidaala linene zana liumbakwa ku misingi zana komi na mbiri ija ng'odwa ku amiita kumi na mbiri agavatumwa.