Matayo 15:31 - KITABU KITAKATIFU

³¹ Avandu vagenya ligali lwa valora izidimbidi nizimolomaa, na avalema nivagenda, avafogoya nivahoni kandi avavoku nivalora; na vaakuminya Nyasaye wa Isiraeli.

Matayo 15:31 Iomraidhean Croise

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Kutwula 24:10

na valora Nyasaye wa Isiraeli. Isi wi virenge vivie haali ho nikindu chafwanana amagina gaalwa hasi gi kibiriti, gi langi ya bulu kandi enengeru kuli ligulu.

Matayo 15:30

Viduma vinene via avandu vaza kuye, nivagingi avalema, avavoku, zidimbidi, avafogoya na vandi avanyingi avaari avalwaye, nivavaviika imbiri wi virenge via Yeso naye yavahonyia.

Matayo 18:8

“Niiva mukono gugwo anoho kerenge chicho ni kikwikigitaliza ma vikolombe okole uvwoni uvikalage ma uvisiuvi ihale. Ni vulahi ivi kwingira mu livamwoyo vugira mukono anoho kerenge, kuvita kusiuvwa mu muliru gwi mihiga ni mihiga noveeye na makono gombi anoho ivirenge viombi.

Matayo 21:14

Avavoku na avalema vaza kuye mu Litembeli, naye yavahonyia.

Matayo 8:10

Lwa Yeso yahulira yaga, yaagenya ligali navolera avandu vaali ni vamulonda, “Agiligali muvooleraa, ngikiri konyoolaku umundu woosi mu Isiraeli oveeye ni lisuuvira kuli yili.

Matayo 9:32

Lwa avandu vaali nivazizaa, vandu valala valetera Yeso mundu mulala uwaali idimbidi uwaali ni lidemoni.

Matayo 9:33

Ahene yaho, lwi lidemoni liali ni liakakungwa kutura mu umundu waali idimbidi oyo yaatanga komoloma. Avandu vagenya ni vavoola, “Amakuva kuli yaga gakiri kwekoleka ku mu Isiraeli.”

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Marko 2:12

Nonoho yasingira navugura vogono vwivwe nazia chova vwangu wa avandu vosi vamulola avamumanya ni vagenya. Vakuminya Nyasaye ni vavoola, “Kukikiri kolola ku kindu kuli yiki mba!”

Marko 7:37

Avandu vagenya ligali kuvita, ni vavoola, “Akolaa ivindu viosi vulahi akolaa kali avahana amatu vahuliri, ni zidimbidi vamolome!”

Marko 9:43

Na niiva umukono gugwo gwakakokoli wikigitale no kokora uvwoni, gaduukanaa ugukale. Ni vulahi kwingira mu livamwoyo nu mukono mulala kuvita kuva na makono gombi ma uzie mu gehena, mu muliru gutasimaa. [

Luka 14:13

Navuzwa niwenya kolomba lilia ulange avadaka, avalema avadekerana na avavoku,

Luka 14:21

“Mutumikiri oyo yirana kovoolera Mwami weve yaga goosi. Mwene inyumba yasinyika, navolera mutumikiri weve, ‘Zia vwangu ku zimbarabara kandi mutuzira twi lidaala, uvalete hano avadaka, avadekerana, avavoku na avalema.’

Luka 18:43

Nonoho uwaali mboku yalora lilie, ma nalonda Yeso, niyizominya Nyasaye. Lwa avandu vosi valora yaga, vizominya Nyasaye.

Luka 7:16

Avandu vosi vaali nuvuti, nivakuminya Nyasaye. Nivavoora, “Umuporofeti munene yanyooleki mu kunyi. Nyasaye yaazi kohonyia avandu veve.”

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”