Matayo 15:19 - KITABU KITAKATIFU

¹⁹ Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Matayo 15:19 Iomraidhean Croise

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Zaburi 119:113

Ndunyiraa ligali yavo avataveeye avasuuvirifu ku ivi, navuzwa nyanza Amalago googo.

Tsing'ano 22:15

Uvusiru vwayizula mumwoyo gwumwana, navuzwa imbimbu yukuhaana mageri ilatuliza uvusiru muye.

Tsing'ano 24:9

Lilohiza liosi liu musiru aganagana liveeye vwoni. Avandu vasuura mundu utaveeye ni kindu chokovoora, navuzwa kuchaya vuzwa avandi.

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Tsing'ano 6:14

Valohiza uvudamanu mu mioyo jaavo, nukuzizagilira koleta ikivihiri havundu hoosi.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Livalidza 22:29

Baalamu yavolera ibunda, “Ivi umali kongola musilu! Ndava ni kivavi ngano ndaali ndakwita.”

Matayo 15:20

Yivi nivio ivikolaa mundu kuva mudamanu. Navuzwa kulia chukulia na mamisu ku makono, sikokolaa mundu kuva mudamanu mba.”

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Matayo 9:4

Navuzwa Yeso yamanya zing'anagani ziavo, navoora, “Kigira ki muganaganaa uvudamanu kuli ndio mumioyo jinyu?

Vikolwa 8:22

Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki.

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.