Matayo 13:54 - KITABU KITAKATIFU

⁵⁴ yirana mu lidaala lia yengo wavo. Yigiza avandu mu lisinagogi liavo kuduuka nivagenya nivavoora, “Mundu uyu yaatuliza hayi ovogeri yivu kandi vilolekizu vie zinguru yivi?

Matayo 13:54 Iomraidhean Croise

Zaburi 22:22

Ndavolera avandu vange ivindu via umali kokora; ndakwizominya mu livugana liavo.

Matayo 2:23

Yazia komenya mu lidaala lialangwa Nazareti. Na ndio gaduukizwa makuva gavoolwa kuvitira mu vaporofeti: “Alalaangwa Munazareti.”

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 7:28

Lwa Yeso, yamala kovora amakuva yaga, Kiduma chagenya ligali ku amigizu geege.

Luka 2:47

Vosi avahulira amakuva geege vagenya ku vogeri vwivwe kandi amativuli geege.

Yohana 1:11

Yaza mu kivala chiche mwene, navuzwa avandu veve sivamuvugilira mba.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

1 Samweli 10:11

Lwa vandu vaali nivamanya Saolo ku maziambiri, vamulola kuli yaporofetaa navaporofeti vateevana, “Ni ki chekoleki ku muyaayi wa Kishi? Saolo aveeye mulala ku muporofeti?”