Matayo 13:47 - KITABU KITAKATIFU

⁴⁷ “Kandi, Uvwami vwu mwigulu voveeye kuli muluvu guvikwaa munyanza, magugumira zisuzi zie zing'ano ziosi.

Matayo 13:47 Iomraidhean Croise

Ezekieli 47:10

Kutura mu migera ja Engedi kuduuka mu migera ja Enegilaimu, avandu valuvaa zisuzi valakave yo ku inyanza, kandi navavagale yo zineti ziavo ziduuki kwuma. Zisuzi zing'ano ziosi zilakaveyo kuli ziveeye mu inyanza ya Meditareniani.

Matayo 13:44

“Uvwami vwu mwigulu voveeye kuli livikiru liaviswa mu mulimi. Mundu mulala yalinyoola naalivisa kandi. Yayanza ligali kuduuka nazia kuguliza viosi via yaali navio naagula mulimi yigwo.

Matayo 13:46

Naye lwa yamala konyoora ilulu ndala yu vuguli vonene, yazia kuguliza viosi via yaali navio nagigula.

Matayo 13:48

Ulwa gwizura, avandu vagung'usaa ma vagoleeta ku lujinga, ma viikara kodoola zisuzi zindahi ni vaviika mu vihinda viavo, navuzwa zindamanu vazisiuva ihale.

Matayo 4:19

Yavavolera, “Hambi munonde, ninzi nda mukora avaluvi va vandu.”

Marko 1:17

Yeso yavavolera, “Nondi, nainzi ndamukora mugwi avaluvi va vandu.”

Luka 5:10

Yakobo na Yohana avana va Zebedayo vaali avasangi mu vuluvi harara na Simoni. Yeso yavolera Simoni, “Utatia mba, kutura kalunu ulava muluvi wukuluva avandu.”

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Vikolwa 20:30

Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde.

1 Vakorintho 11:19

Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.