Matayo 13:44 - KITABU KITAKATIFU

⁴⁴ “Uvwami vwu mwigulu voveeye kuli livikiru liaviswa mu mulimi. Mundu mulala yalinyoola naalivisa kandi. Yayanza ligali kuduuka nazia kuguliza viosi via yaali navio naagula mulimi yigwo.

Matayo 13:44 Iomraidhean Croise

Ayubu 28:13

“Mundu siamanyi inzira yo vogeri mba; kandi ovogeri sivonyolekaa mu kivala cha avaveeye mwoyo mba.

Tsing'ano 16:16

Ni vulahi ligali kuva no vogeri kandi ni limanya kuvita kuva ni zahabu harara ni ifeza.

Tsing'ano 17:16

Gaveeye na vokonyi ki mundu musiru kutumikira mabese konyoora ovogeri kuvataveeye ni limanya?

Tsing'ano 18:1

Vandu vatahulirizanaa na vandi viyanza; vahing'ana na agavandi vamanyi kuva malungi.

Tsing'ano 23:23

Agiligali, vogeri kwiga kandi lihulira lilahi yivi viveeye mutungu mulahi, navuzwa viveeye nu vuguli vonene niiva ulavigulanyia.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Matayo 13:24

Yeso yavolera avandu lugano lundi: “Uvwami vwu mwigulu voveeye kuli mundu wamiza uvuguza uvulahi mu mulimi gwigwe.

Matayo 13:46

Naye lwa yamala konyoora ilulu ndala yu vuguli vonene, yazia kuguliza viosi via yaali navio nagigula.

Matayo 13:47

“Kandi, Uvwami vwu mwigulu voveeye kuli muluvu guvikwaa munyanza, magugumira zisuzi zie zing'ano ziosi.

Matayo 19:21

Yeso yamuvolera, “Niwenya kuva umudukiru, zia ugulizi ivindu vivio viosi ohe avadaka, na ivi ulava nu utungi mwigulu, ma uzi ononde.”

Matayo 19:27

Petero yavoola, “Henza, kunyi kwaleka ivindu viosi, kolonda ivi, kunangwa kulinyoola ki?”

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 6:21

Aha mavikiru googo gaveeye, niho hu umwoyo gugwo goveeye ho.

Luka 14:33

Kunangwa, mundu woosi uvula koleka vindu viaveeye navio viosi, sianyala kuva mulondi wange mba.

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Vakolosai 2:3

Kristo niyie uvula ovogeri vwosi kandi limanya lia Nyasaye.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vahebraina 10:34

Mwasanga mu likindukizwa harara na yavo avaari mu vuhambe, kandi mwa vugilira kunuurwa vindu vienyu, kigira mu manya vulahi ndi munyi aveene muveeye ni vindu vilahi ligali kuvita, navio ni vitahera mba.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.