Matayo 13:19 - KITABU KITAKATIFU

¹⁹ Ku vosi uhuliraa likuva liu vwami, na avula kulimanya, aveeye kuli uvuguza vwamizwa nivugwa kunzira. Mudamanu yazaa mamunyaga iliamiizwa mu mwoyo gwigwe.

Matayo 13:19 Iomraidhean Croise

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 17:16

Gaveeye na vokonyi ki mundu musiru kutumikira mabese konyoora ovogeri kuvataveeye ni limanya?

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Matayo 12:26

Niiva, Setani alakunga Setani yiilwaanaa umwene. Kunangwa uvwami vwivwe vulasingira ndi?

Matayo 13:20

Uvuguza vwagwa hagati ha magina voveeye kuli avandu vahuliraa likuva, kandi valivugula nu vuyanzi.

Matayo 13:38

Mulimi ni kivala. Uvuguza vulahi na avandu vu Vwami vwu mwigulu. Navuzwa amavanze ni avana vu Mudamanu.

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 5:37

Makuva googo nigaveeye ‘Yee’ gave ‘Yee’ na niiva nigaveeye ‘Awa’ gave ‘Awa.’ Amakuva gandi goosi agovoola kuvita yaga gaturaa ku Mudamanu oyo.

Marko 4:15

Avandu valala vaveeye kuli uvuguza vugwizaa kunzira; lwa vahuliraa, Setani yaazaa vwangu mavanyaga ilikuva limali kumiizwa muvo.

Luka 10:9

Muhonyie avalwaye vaveeye mu lidaala yilio. Muvavoolere ‘Uvwami vwa Nyasaye vuuzi ahimbi ku munyi.’

Luka 9:2

Yavatuma kuzia kwilwaza uvwami vwa Nyasaye kandi kuhonyia avalwaye.

Yohana 18:38

Pilato yateeva, “Agiligali ni ki?” Pilato lwa yamala kovora yaga, yazia kandi ku Avayuda ichova, navavoolera, “Inzi sindora kindu kidamanu kuye mba.

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 18:15

Navuzwa kigira mahangali ga amakuva na amita ga Malago ginyu, munyi aveene mukalage. Inzi sinyenyanga kuva mukalagi wa makuva yaga mba!”

Vikolwa 20:25

“Ndaavodong'anangi yiyi niyi mu munyi ninzilwaza Uvwami vwa Nyasaye. Navuzwa, kalunu siaveeyeho kali mulala ku munyi ulindola kandi.

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.

Vahebraina 2:1

Kigira yaga, gakuduukiraa kugumiri vudinyu amakuva goosi agiligali ga kumali kuhulira, gase kulagotizwa.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 5:18

Kumanya vulahi ndi, umundu woosi wivulwa kutura ku Nyasaye kokora uvwoni mba, kigira mwana wa Nyasaye amukingaa na kandi Setani sia lamusaliriza mba.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.