Matayo 12:34 - KITABU KITAKATIFU

³⁴ Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 12:34 Iomraidhean Croise

Zaburi 53:1

Avandu vasiru vavoola mu mioyo jaavo ndi, “Nyasaye siaveeyeho mba.” Vosi vaveeye avadamanu, kandi vamali kokora agukuvihiririza; sihaveeyeho nu mundu kali mulala okolaa agaveeye amalungi mba.

Zaburi 64:3

Vahiagalaa zinimi ziavo kuli vivavi, valasaa makuva malulu kuli mivano juvuta.

Zaburi 64:5

Vazuvana aveene na vene mu lilohiza liavo kokora uvudamanu; vavoleranaa harara aha vaviika mitego jaavo vavoola, “Siaveeye ho nunyala kulola mba.”

Tsing'ano 16:23

Avandu avageri vaganagana imbiri wa vakikiri komoloma; na ga vavola gaveeye gu kuyaanziza.

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Isaya 32:6

Mundu musiru alavoora uvusiru, kandi aganagana kokora vindu vidamanu. Goosi agakolaa kandi agaavoola gaveeye gu kuvihiliriza ku Yahova, kandi si ahaanaa viukulia ku avaveeye ninzara anoho siahaanaa ku avaveeye nu vuluhu kindu chu kunwa mba.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Matayo 12:35

Mundu mulahi aleetaa ivindu vilahi kutura mu livikiru lilahi liumwoyo gwigwe; kandi umundu mudamanu atulizaa amadamanu kutura mu livikiru liu uvudamanu vwu mwoyo.

Matayo 15:18

Navuzwa ivitulaa mu munwa vituraa mu mwoyo, na iviene yivi nivio ivikolaa umundu kuva mudamanu.

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 3:7

Kunangwa Yohana yavolera viduma via avandu vaza kuye avabatizi, “Munyi avana vizinzoka! Nivwaha wa mugerihiza mwiruki vutima vwa Nyasaye vuzaa?

Luka 6:45

Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Samweli 24:13

Ivi umanya chu lugano lovoolaa, ‘Uvudamanu vokolangwa vuzwa na vandu vadamanu veng'ine’ Kandi ndio sindakusaaliriza mba.