Matayo 12:10 - KITABU KITAKATIFU

¹⁰ Yaali mu mundu mulala uwaali nu mukono gwang'era. Avandu vateva Yeso, “Gadukanaa kohonyia mundu ku lidiku lie Lisabato?” Vamuteeva ndio vanyoore kivuni cha vamuyaalira.

Matayo 12:10 Iomraidhean Croise

Isaya 32:6

Mundu musiru alavoora uvusiru, kandi aganagana kokora vindu vidamanu. Goosi agakolaa kandi agaavoola gaveeye gu kuvihiliriza ku Yahova, kandi si ahaanaa viukulia ku avaveeye ninzara anoho siahaanaa ku avaveeye nu vuluhu kindu chu kunwa mba.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Matayo 12:2

Navuzwa, lwa Avafarisayo valora ndio, vavoolera Yeso, “Henza, aviigi vovo vakora gatenyekaa kokolwa ku lidiku lie Lisabato.”

Matayo 19:3

Avalala ku Vafarisayo navo kandi vaza ku Yeso ni vageriza kumutega nivamuteeva, “Ni vulahi umundu kukuunga umukali weve ku kivuni choosi kolondekana ni Lilaga?”

Marko 3:2

Avandu valala vaali mu avenya kwihambihiza Yeso vamunyoole nuvudamanu. Vahenza valore niiva Yeso yaali anyala kohonyia umundu oyo ku lidiku lie Lisabato.

Luka 11:54

Vageriza kumutega vada ki kumunyoola navoora makuva madamanu.

Luka 13:14

Navuzwa munene wilisinagogi yavihilirwa ligali kigira Yeso yamuhonyia ku lidiku lie Lisabato. Kunangwa yavolera avandu vaali nivavugani ho, “Muveeye na madiku sita gokokolera mu miyinzi. Munyala kuuza mu madiku gene yago muhonywi vulwaye vwinyu, navuzwa mutaazi ku lidiku lie Lisabato mba.”

Luka 20:22

Kovolere, ‘Ni vulahi kolondekana na malago ga Musa, kunyi kutungi uvusuru ku Kaisari?’ ”

Luka 23:14

Yavavolera, “Muleeti mundu uyu ku inzi nimuvooraa ndi agotizaa avandu, inzi mali kumuteeveleriza mateeva imbiri winyu, na sindora kindu kuye kali kilala ku aga mumuyaaliraa, ikiduukanaa ni likuza mba.

Luka 23:2

Vatanga kumuyaara nivavoora, “Kwanyoora mundu uyu nagirung'anyia ihiiri yitu. Yagaya avandu vavuli kutunga uvusuru ku Mwami Munene wa Rumi kandi umwene yevoola ndi aveeye Kristo, umwami.”

Yohana 5:10

Kunangwa avalala ku Avayuda vavoolera mundu wahonywa oyo, “Yili ni Lisabato. Voveeye vudamanu ivi kuginga vogono vuvwo.”

Yohana 5:3

Mu zisimbu yimwo avalwaye vaali mu na avanyingi; avavoku, avalema na avafogoya. [Valinda amazi gaduvulwi,

Yohana 7:23

Niiva, mundu akevwa ku lidiku lie Lisabato, ku Lilaga lia Musa livuli kuvunagwa, kigira ki mudunyiraa lwa mbonyia mundu ku lidiku lie Lisabato?

Yohana 8:6

Vavoola ndio kumugeriza, kunangwa vaduuki konyoora kindu chu kumuyalira ku. Navuzwa Yeso yinama hasi, na ng'oda mu marova ne kedete chiche.

Yohana 9:16

Valala ku Avafarisayo vavoola, “Mundu uyu saiaveeye uwatula ku Nyasaye mba, kigira sialindaa Lilaga lie Lisabato mba.” Navuzwa avandi vavoola, “Mundu wu vwoni anyala kokora ndi vilolekizu ku yivi?” Vaali ni liavukana hagati haavo.