Matayo 11:5 - KITABU KITAKATIFU

⁵ Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 11:5 Iomraidhean Croise

2 Avami 5:14

Kunangwa Naamani yasulunguta kuzia mu mugera gwa Jorodani, ni yiyinamu umwene haali saba kuli muporofeti yavoola, na yahonywa ligali. Inyama yu muviri gwigwe yagwa indinyu kandi yu vulamu, kuli gwu mwana mudoto.

2 Avami 5:7

Lwu mwami wa Isiraeli yasoma ibarwa zana, yatandula zinguvu zizie mu vovereri vonene, “Mwami wa Siria anyala kuganagana ndi inzi nyara kohonyia mundu uyu? Aganagana ndi inzi mbeeye Nyasaye, kandi wi zinguru zie livamwoyo Ni likuza? Gaveeye havulavu ndi atangizaa uvutindi ninzi!”

Zaburi 146:8

kandi ahaanaa lilola ku vavoku. Adigululaa yavo avamali kugwa; kandi ayaanza avandu veve valungi.

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Kutwula 4:11

Yahova yamuvolera, “Nivwaha walomba munwa gwu mundu? Nivwaha umukolaa kuva idimbidi anoho wahana matu noho nivwaha umuhezaa lilola anoho umukolaa muvoku? Siaveeye Inzi Yahova?

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Isaya 43:8

Nyasaye avoora, Leeti avandu vange vaze mu kiyaalo. Vaveeye nizimoni, navuzwa sivalola mba. Vaveeye namatu, navuzwa sivahulira mba!

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Zekaria 11:7

Yavo avakolaa likiranya lia magondi vambugura kuvayira, kandi ndagwa mwayi wa magondi gaziza kwitwa. Ndaavugura zimbimbu ziviri; indala ndaagigulika “Kuyaanzilira” ni yindi ndaagigulika “Uvuhambani.” Ndaaya magondi.

Matayo 10:8

Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa.

Matayo 11:4

Yeso yavativulira, “Yirani muzie kovoolera Yohana makuva ga muhulira kandi aga muloraa.

Matayo 12:13

Maku yavolera mundu oyo, “Nyira mukono gugwo.” Naye yanyira mukono; nagwo gwahona, niguva kuli ugundi.

Matayo 21:14

Avavoku na avalema vaza kuye mu Litembeli, naye yavahonyia.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 9:30

Zimoni ziavo ziakunulwa. Yeso yaviganihiza vudinyu navavoolera, “Mutavoolera mundu kali mulala likuva yili.”

Marko 7:37

Avandu vagenya ligali kuvita, ni vavoola, “Akolaa ivindu viosi vulahi akolaa kali avahana amatu vahuliri, ni zidimbidi vamolome!”

Marko 9:25

Yeso yalora avandu nivisuunda ahimbi kuvo ma yagondokera ilidemoni navoora, “Ivi lidemoni litamolomaa ni liahana matu, ngulaga, tula mu muyaayi uyu kandi utingira muye kandi!”

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Yohana 10:25

Yeso yavativulira, “Inzi ndaamuvolera, navuzwa munyi simwasuuvira mba. Miyinzi ja ngolaa ku lieta lia Baba wange jindolekizaa.

Yohana 10:38

Navuzwa niiva ngolaa miyinzi, kali naiva si musuuviraa inzi musuuviri mu miyinzi yijo muduuki kumanya nukumanyiriza ndi Baba aveeye mu inzi, ninzi mbeeye muye.”

Yohana 2:23

Lwa Yeso yaali mu Jerusalemi mu lilia lie Lipasaka, avandu avanyingi vaamusuuvira inyima wokolola vilolekizu via yakola.

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 5:36

Navuzwa lilolekiza lia inzi mbeeye nalio liveeye linene kuvita lia Yohana. Kigira miyinzi ja Baba yamba malirizi, nijo miyinzi jimanyia ndi Baba niyie wanduma.

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.