Matayo 11:23 - KITABU KITAKATIFU

²³ Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!

Matayo 11:23 Iomraidhean Croise

Litanga 13:13

uwa vandu valio vaali avachamu kandi vakora uvwoni ku Yahova.

Lisyoma lya Jeremia 2:1

Yahova amali yakunika avandu va Jerusalemi ni kisundi mu vutima vwivwe. Yaagirung'anyi uvukumi vwa Jerusalemi kugwa mang'anye kulirova. Si yizuliza Litembeli lilie lidiku liu vutima vwivwe mba.

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Ezekieli 32:24

“Elamu aveeye uwene yeyo, kirindwa chiche chakumberizwa ni virindwa via vasikari veve. Vosi viitirwa mu vulwani, na vazia mu kivala cha vakuzu nivataveeye avasuuvirifu. Valeta litihiza mu kivala cha vandu vaveeye mwoyo, navuzwa kalunu vagona mu zisoni mu kivala cha vakuzu.

Obadia 1:4

Kali niiva mulelombela hango hinyu have igulu kuli inyumba yi kihungu, kunangwa muduuki kololeka kuli muveeye hagati hi zing'ereng'ani, inzi ndamwikiza hasi.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 17:24

Lwa Yeso na vigi veve vaduuka Kaperinaumi, avasololi vuvusuuru vwi Litembeli vazia ku Petero ni vamuteeva, “Mwigizi winyu atungaa uvusuru vwi litembeli?”

Matayo 4:13

Lwa yatura Nazareti, yazia komenya Kaperinaumi, lidaala liali ku lujinga lwinyanza ya Galilaya, mu zinzako zie vivala via Zabuloni na Nafutali.

Matayo 8:5

Lwa Yeso yaali ni yingiraa mu lidaala lia Kaperinaumi, munene wa avasikari mia, Murumi, yazia kuye naamusaala, navoora,

Luka 10:15

Na ivi Kaperinaumi, wenyaa kwenenehiza kuduuka mwigulu? Ulakikizwi hasi mu kihadisi.”

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 16:23

Mutugi oyo, naveeye nuvusaliri vonene mukihadisi, yahenza yigulu nalora Aburahamu ihale, na Lazaro naveeye kukiritu chiche.

Luka 4:23

Yavavolera, “Mbeeye na agiligali ndi mulambolera lugano yilu; ‘Wizinyasi, wehonyie mwene.’ Mulambolera kandi, ‘Amakuva goosi gakwahulira wakola Kaperinaumi ugakole hano kandi mu lidaala liilio mwene.’ ”

Vikolwa 2:27

kigira si ulileka mwoyo gwange mu kihadisi, kandi si ulivugilira Mutakatifu woovo kuguunda.

Vikolwa 2:31

Daudi yalora yaga imbiri kandi namoloma kigira lisimuguka lia Kristo lwa yavoola: ‘Si yalekala mu kivala cha vakuzu mba; muviri gwigwe si gwagundira mu kilindwa mba.’

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.

Likunula 20:13

Maku inyanza yaatuliza avakuzu vayo. Likuza ni kivala cha vakuzu kandi viatuliza avakuzu avaari mucho. Vakalagirwa kolondekana ni likora liavo.

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.