Matayo 11:22 - KITABU KITAKATIFU

²² Navuzwa agiligali muvooleraa, ku Lidiku lie Likalaga, munyi mulanyola amaduywa manene kutura ku Nyasaye kuvita avandu va Tiro na Sidoni.

Matayo 11:22 Iomraidhean Croise

Jeremia 25:22

Avami vosi va Tiro, Sidoni kandi na avami vosi vi visulu viveeye mu inyanza ya Meditareniani,

Jeremia 27:3

Maku Yahova yambolera ndumi amakuva ku avami va Edomu, Moabu, Amoni, Tiro na Sidoni kuvitira ku avatumwa vaavo avaari nivaazi mu Jerusalemi kolola mwami Zedekia.

Ezekieli 29:18

Yavoola, “Mwana wu Mundu, mwami Nebukadineza yaatanga kwingilira vandu va Tiro. Yakola avasikari veve kuginga misigo miliduhu kuduuka mitwi jaavo nijigwa iviole kandi mavega gaavo nigafuvuka, navuzwa Mwami anoho iliihi lilie si lilanyoola mitungu ku miyinzi jene yijo mba.

Joeli 3:4

“Mugerizaa kongolera kindu ki munyi avandu va Tiro, Sidoni na vandu vosi va Filisitia? Munyi mugerizaa kumbanza kisaalia? Nimukora ndio, ndiranyia kisaalia ku munyi vwangu!

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Luka 10:14

Navuzwa vulakave vulahi ligali ku Tiro na Sidoni ku Lidiku lie Likalaga ukuvita munyi.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

1 Yohana 4:17

Kigira yaga uvuyanzi vokoleywe uvudukiru mu kunyi kunangwa kuduuki konyoora uvuluviliri ku Lidiku lie Likalaga; na kulava nalio kigira livamwoyo lietu mu kivala yiki liveeye lilala liere kuli lia Kristo.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.