Matayo 11:11 - KITABU KITAKATIFU

¹¹ Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana.

Matayo 11:11 Iomraidhean Croise

Ayubu 14:1

“Mundu wu mukali yivula, aveeye wa amadiku makekeeke, kandi yizuuye ikivi.

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Matayo 11:10

Kigira Yohana niye ovolwa mu Mang'oda Matakatifu: ‘Henza, nduma umutumwa wange imbiri woovo, Nyasaye avoora, alimiira imbiri woovo okolomba inzira yooyo.’

Matayo 11:12

Kutura ing'inga ya Yohana Mubatizi yilwaza makuva geege kuduuka lero, Uvwami vwu mwigulu vwasalirizwa vululu ligali, kandi avandu vi zinguru nivo avagerizaa kuvuvugula kuzinguru.

Matayo 3:1

Mu madiku yago Yohana Mubatizi yaza, natanga kwilwaza mwigendanyama lie Vuyuda navoora,

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 7:28

Yeso yameda kovora, “Muvooleraa, ku avandu vosi va vakali viivula, si haali ho nu munene kuvita Yohana; navuzwa oveeye mukekeeke mu Vwami vwa Nyasaye, aviti Yohana.”

Luka 9:48

Yavavolera; “Ku vosi ulingiriza mwana mukekeeke uyu kigira lieta liange, yingirizaa inzi. Ku vosi ulingiriza inzi kandi, yingirizaa uyu uwanduma. Oveeye mukekeeke ku munyi vosi, uyu niyie oveeye munene.”

Yohana 1:15

Yohana yamulolekiza ku avandu nahanzuka, “Uyu niye wandamuvoolera lwa ndavoora, uza inyima wange, aveeye munene ligali kumbita, kigira yaali ho ningikiri kwivulwa.”

Yohana 1:27

Oyo yazaa inyima wange, navuzwa inzi sindukani kali kovoholora migoye ji vilatu vivie mba.”

Yohana 10:41

Avandu vanyingi vazia kuye nivavoora, “Yohana si yakola kelolekizu choosi mba. Navuzwa goosi aga Yohana yavoola ku mundu uyu gaveeye agiligali.”

Yohana 3:30

Gaduukanaa oyo ameede koneneha ninzi gandukira ngeehe.”

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

1 Vakorintho 6:4

Niiva muveeye na makuva go vosoolo ku vindu vie livamwoyo lia kazozo kuli yivi, kigira ki mugahilaa gakalagwi na vandu vataveeye nu luyali mu likanisa?

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vahebraina 11:40

kigira Nyasaye yavikira kunyi kindu keveeye kilahi ligali lienya lilie liali ndi kove harara naye kunangwa kuduuki kokolwa vaduukiru.

1 Petro 1:10

Gaali kigira govohonyi yivu, avaporofeti vaateveleriza ligali, kandi nivenyereriza vamanye kandi ni vaporofeta kigira ikihaanwa yiki icha Nyasaye alimuha.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.