Matayo 10:6 - KITABU KITAKATIFU

⁶ Navuzwa muzie ku avandu va Isiraeli avaveeye kuli amagondi gagota.

Matayo 10:6 Iomraidhean Croise

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Ezekieli 34:8

Kuli mbeeye ligali Nyasaye oveeye mwoyo, vwakaveeye vulahi munyi kumbulirizi. Magondi gange gamali kwingilirwa ni zinyama ziu muvulimu; zimali kugiita kandi kugalia kigira mwimiliri si yaali ho mba. Aviimiliri vange si vageriza kwenya magondi gange mba. Vehendera mwoyo aveene vugira kohendera magondi gange.

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 18:11

Mwana wa Adamu yaza kohonyia avaagota.]

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 18:6

Lwa vahing'ana naye nivatanga kumunyega, yavungula luguchi kutura kuzinguvu zizie imbiri wavo navavoolera, “Masahi ginyu gave ku munyi aveene. Inzi mbula imbara mu makuva yaga. Na kutura kalunu nziza ku avandu vi Zihiiri zindi.”

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.