Matayo 10:26 - KITABU KITAKATIFU

²⁶ “Kunangwa mutatia avandu yavo mba. Kigira choosi ichakunikwa kilakunulwa, kandi choosi ichaaviswa kilamanyikana.

Matayo 10:26 Iomraidhean Croise

Tsing'ano 10:9

Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

Tsing'ano 28:1

Avandu vachamu virukaa lwu mundu atavakunga, navuzwa vandu valungi vaveeye valuviliri kuli isimba.

Tsing'ano 29:25

Uvuti vwu mundu voletaa umutego, navuzwa oyo usuviraa mu Yahova aveeye ni mirembe.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Jeremia 1:8

Utavatia mba kigira mbeeye harara na ive na ndakukinga. Inzi Yahova mali kovora!”

Ezekieli 2:6

“Navuzwa ivi, Mwana wu Mundu, utavatia, anoho utatia gavavoraa mba. Utatia mba, kali niiva vigunzanguva kandi amafa vikukumberizi kandi kali niiva omenyi hagati hi zinzoka. Utatia vandu vibaali yavo anoho kindu choosi chavavolaa mba.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Marko 4:22

Ichaaviswa choosi kilakaloleke ichova havulavu kandi yicho ichakunikirwa kilakakunurwi.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Luka 8:17

“Kigira sihaveeyeho ni kindu chaviswa ikilivula kulang'aminywa havulavu mba, kandi sihaveeyeho nichaviswa ikilivula kumanyikana, anoho koleetwa havulavu mba.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.