Matayo 10:17 - KITABU KITAKATIFU

¹⁷ Mugerihi ku avandu, kigira valamuhira mu viina, na valamukuyila mu masinagogi gaavo.

Matayo 10:17 Iomraidhean Croise

Mika 7:5

Utasuvira mutende woovo mba; utaviika lisuuvira liilio mu mulina woovo mba. Ohenze vulahi ku agovoola kali kumukali woovo.

Matayo 10:18

Kigira inzi mulahilwa imbiri wa avamihi na avami vanene avamihaa vivala muduuki kololekiza Ivangeri kuvo kandi ku zihiiri.

Matayo 20:19

Valamuhaana ku avandu vizihiiri zindi, akolerwe kehenyahenye, akuywi kandi avaambwi. Navuzwa ku lidiku lia kavaga, alasimugukizwa.”

Matayo 23:34

Kigira yaga, inzi nziza kuvatumira avaporofeti, avageri na avigizi; munyi muliita valala, muvambe avandi, kandi avandi mulavakubagira mu masinagogi ginyu nu kuvadambiza mu madaala goosi.

Matayo 26:59

Avasaalisi vanene ni kiyaalo choosi venyeleriza amakuva go vovehi kugina Yeso, vaduuki ku mwita;

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 13:12

Mundu alazaama amwavo weve ukwitwa, kandi baba alazaama umwana weve; na avana valingilira aviivuli vaavo nu kuviita.

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Yohana 11:47

Kunangwa avasaalisi vanene na Avafarisayo valanga livugana lie kiyaalo, nivavoora, “Kokora ndi? Mundu uyu akolaa vilolekizu vinyingi.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Vikolwa 17:14

Avaamitu vamuhereka vwangu kuzia kunyanza; navuzwa Sila na Timateo vatigara Berea.

Vikolwa 22:19

Ndaamutivulira, ‘Mwami, yavo aveene vamanyi vulahi ligali ndi inzi niyie uwavodong'ana mu masinagogi nimboha nu kukuya vandu avasuuviraa mu ivi.

Vikolwa 26:11

Zing'inga zinyingi ndavodong'ana mu masinagogi goosi ni mbakola vahevwe amageri kandi ndaageriza kuvaniga vambakane lisuuvira liavo. Uvutima vwange kuvo vwali ovonene ligali. Ndaavadambiza ligali kali kuduuka mu madaala gaali ihale.

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Vafilipi 3:2

Mugerihi ku yavo avakolaa vindu vidamanu, vaveeye ku zimbwa, avandu vavoola kuduuka yavo vakalage imiviri jaavo.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;