Matayo 10:1 - KITABU KITAKATIFU

¹ Yeso yalanga aviigi veve likomi na vaviri, navaha uvunyali vwu kutuliza nukukunga roho midamanu, kandi kohonyia vulwaye no vodekeranu vwosi.

Matayo 10:1 Iomraidhean Croise

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 26:20

Lwa gwaduuka mugolova, Yeso harara na aviigi veve likomi na vaviri viikara kulia.

Matayo 26:47

Lwa Yeso yaali nakemoloma navo, Yuda uwaali mulala ku aviigi likomi na vaviri yaduuka. Harara naye ikiduma kenene chamulonda nivaveeye ni vivavi kandi ivigurumi, avaari nivatumiywi na vasaalisi vanene navakulundu.

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Matayo 9:35

Yeso yavodong'ana mu madaala goosi kandi mu tudaala; hiyigiza mu masinagogi gaavo niyilwaza Ivangeri yu Vwami vwa Nyasaye, nahonyia zinguzu ziosi kandi uvulwaye vwi zing'ano ziosi.

Matayo 9:38

Kulwayago musaale Mwami mwene wi ligesa ahili avagesi mu mulimi gwigwe.”

Luka 10:19

Henza, inzi mali kumuha uvunyali kuduvagira hasi zinzoka ni zing'e, kandi uvunyali vwosi vwu kuguutira zinguru ziosi ziu musigu oyo. Sikeveeye ho kindu ku viosi ikinyala kumusaliriza kali hakuzu mba.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Luka 6:13

Lwa vwacha, yalanga aviigi veve kandi yatovola likomi na vaviri, avayaalanga avatumwa.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Yohana 6:70

Yeso yavavolera, “Sindaatovora munyi likomi na vaviri? Navuzwa mulala ku munyi ni Setani!”

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 19:15

Navuzwa lidemoni liavavoolera, “Ndamanya Yeso, kandi ndamanya Paolo. Navuzwa munyi nivwaha?”

Likunula 12:1

Kelolekizu kenene chokogenyia chaloreka mwigulu. Yaali ho numukali wi inguvu yeeye yaloleka kuli liuva, numweli gwaali isi wi virenge vivie. Kandi yavikwa itaji yi zing'ereng'ani likomi na ziviri kumutwi gwigwe.