Marko 9:29 - KITABU KITAKATIFU

²⁹ Yavavolera, “Lidemoni ulugano yilu silinyala kutulizwa nigatali ni lisaala lienyine; Ikindu kindi mba.”

Marko 9:29 Iomraidhean Croise

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Matayo 12:45

Mazia koleta roho vadamanu vandi saba, avadamanu ligali kumuvita navo vosi vazaa ma vingira komenya mu mundu oyo. Iliiva liu mundu oyo livezaa ilidamanu ligali kuvita lie imbiri. Yaga kandi galakoleka ndio ku avandu vi likula liveeye ho lidamanu yili.”

Matayo 17:20

Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 17:21

Lidemoni liu lugano yilu silinyala kukungwa nigatali ku lisaala ni lihonga lilia lieng'ine.]”

Marko 9:28

Lwa Yeso yaali niyakingira munyumba, aviigi veve vazia kuye naveeye yenyine ni vamuteeva, “Kigira ki kunyi si kunyali ku lituliza?”

Marko 9:30

Lwa Yeso na aviigi veve vaatura yo, valonda inzira ivitiraa Galilaya. Yeso si yenya avandu vamanye aha yaali mba,

Luka 11:26

Kunangwa gumanyaa guzia koleta roho midamanu jindi saba, ijiveeye midamanu kuguvita; ma josi jingira mu mundu oyo kandi jimenya mu. Kunangwa liiva liu kumaliriza liu mundu oyo livezaa lidamanu ligali kuvita liukutanga.”

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.

2 Vakorintho 11:27

Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 12:8

Haali kavaga kosi, ndagoonya Mwami mu lisaala kigira yaga, kandi nimuteeva andulizili lidambizwa yili.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Yakobo 5:15

Lisaala lie lisuuvira, lilahonyia umulwaye. Mwami alamuvukiza, nu kumwilanyira vulamu, kandi uvwoni vwa yakola vulasamiifwa.