Marko 9:25 - KITABU KITAKATIFU

²⁵ Yeso yalora avandu nivisuunda ahimbi kuvo ma yagondokera ilidemoni navoora, “Ivi lidemoni litamolomaa ni liahana matu, ngulaga, tula mu muyaayi uyu kandi utingira muye kandi!”

Marko 9:25 Iomraidhean Croise

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Matayo 12:22

Ahene yaho valetera Yeso mundu mulala muvoku kandi uwaali idimbidi kigira lidemoni liali ni liamugumira. Yeso yamuhonyia kuduuka namoloma kandi nalora.

Matayo 17:18

Yeso yagondokera ilidemoni, nalio liatura kuye nonoho, kandi muyayi oyo yahona ing'inga yene yeyo.

Marko 9:15

Lwa vandu vosi vamulola vagenya ligali, ni vazia kuye ni vamucheliza.

Marko 9:24

Nonoho baba wu muyaayi zana oyo yahanzuka navoora, “Mwami inzi mbeeye ni lisuuvira, navuzwa ni likuzuzu vuzwa. Ngonya mbula ndava ni lisuuvira iliduukiru!”

Marko 9:26

Vwangu lidemoni liakuba lukwiri; ni limusang'usula vuvi ligali, ma ni limuleka. Muyaayi oyo yaali kuli umukuzu. Avanyingi kuvo vavoola, “Akuzi!”

Luka 11:14

Lidiku lilala Yeso yaali natulizaa lidemoni ilialomba mundu mulala kuva idimbidi. Lwu lidemoni liatura, mundu waali idimbidi oyo yamoloma; avandu vagenya ligali.

Luka 4:35

Navuzwa Yeso yaligondokera navoora, “Kiring'ana! Tula mu mundu uyu!” Kunangwa lidemoni lwa liamala kutuura mundu oyo hasi, liatura muye vugira kumusaliriza kali hakuzu.

Luka 4:41

Mademoni gaturaa kuvandu vanyingi nigahanzuka, nigavoora, “lvi oveeye Mwana wa Nyasaye!” Navuzwa Yeso yagagondokera, siyagavugilira gamolome mba, kigira gaamanya aveeye Kristo.

Luka 8:29

Yavoola yaga kigira Yeso yaali nakungi mademoni kutura muye. Mademoni gaali ni gamugumira ku madiku manyingi. Kali niiva vandu vamuvoha virenge na amakono niminyororo ji vivia kandi vamulinda vudinyu, yakalanyia iminyororo zana. Lidemoni liamukunga nukumuhira muchangalangwe.

Luka 9:42

Lwu muyayi oyo yaali niyazaa ku Yeso, lidemoni liamutuula nilimugalagalizira hasi kuli mundu wi indulumi. Navuzwa Yeso yagondokera lidemoni yilio, nahonyia muyaayi oyo ma namuhaana ku baba weve.

Vikolwa 16:18

Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”