Marko 9:24 - KITABU KITAKATIFU

²⁴ Nonoho baba wu muyaayi zana oyo yahanzuka navoora, “Mwami inzi mbeeye ni lisuuvira, navuzwa ni likuzuzu vuzwa. Ngonya mbula ndava ni lisuuvira iliduukiru!”

Marko 9:24 Iomraidhean Croise

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

Zaburi 126:5

Leka yavo avamiiza uvuguza namaliga, vaavungize ligesa nuvusangali!

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Marko 9:23

Yeso, yamuvolera, “Yee, niiva ivi umwene unyala! Ivindu viosi vinyalikaa ku mundu oveeye ni lisuuvira.”

Marko 9:25

Yeso yalora avandu nivisuunda ahimbi kuvo ma yagondokera ilidemoni navoora, “Ivi lidemoni litamolomaa ni liahana matu, ngulaga, tula mu muyaayi uyu kandi utingira muye kandi!”

Luka 17:5

Avatumwa vavoolera Mwami, “Lomba lisuuvira lietu live linene ligali kuvita!”

Luka 7:38

Yasingira inyima havirenge via Yeso nalira. Yaatanga kusama virenge via Yeso na maliga geege. Maku yavieya niliisu liu ku mutwi gwigwe, navivuusa, kandi yaavivaka maguta gafunyaa mwayu.

Luka 7:44

Yeso yagirung'ana nahenza mukali na avooreraa Simoni, “Olola mukali uyu? Nyingiyi munyumba yooyo, na ivi siombeeye amazi gu kwisaava virenge viange mba. Navuzwa mukali uyu usavizi virenge viange na maliga geege, kandi weeyi maliga zana ni liisu liu ku mutwi gwigwe.

Vikolwa 10:19

Lwa Petero yaali nakiganagana kigira amalola, Roho yamuvolera, “Hulira! Vaveeye hano avandu vavaga, vakwenyaa.

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

2 Vakorintho 2:4

Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Vahebraina 12:17

Lwinyima, kuli mumanyi yenya konyoora uvugasu zana kutura ku baba weve, navuzwa yasuulwa, kigira siyaali unyala konyoora vwiyangu vwu kwiganira nukugirung'anyia aga yakola mba, kali niiva yenya uvugasu yivwo namaliga.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.