Marko 9:20 - KITABU KITAKATIFU

²⁰ Kunangwa valeta muyaayi oyo ku Yeso. Lwi lidemoni lialola Yeso, nonoho liamusang'usura na muyaayi oyo yagwa nagalagara hasi, natura ulufulu mu munwa.

Marko 9:20 Iomraidhean Croise

Marko 1:26

Ilidemoni zana liamusang'usula vudinyu, nilikuba ulukwiri olonene, ma nilitura muye.

Marko 9:18

Lwi lidemoni limugumiraa, limulasa hasi, ma atulaa ulufulu, ma kandi atangaa kudiedieyiza amiinu, ma atangalala vuzwa. Lwa ndeevi aviigi vovo valitulizi, vaatamiywi.”

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Marko 9:21

Yeso yateeva baba weve, “Yaatanga kuva ndi kutura ng'inga ki?” Naye yamutivulira, “Kutura mu vwana vwivwe.

Marko 9:26

Vwangu lidemoni liakuba lukwiri; ni limusang'usula vuvi ligali, ma ni limuleka. Muyaayi oyo yaali kuli umukuzu. Avanyingi kuvo vavoola, “Akuzi!”

Luka 4:35

Navuzwa Yeso yaligondokera navoora, “Kiring'ana! Tula mu mundu uyu!” Kunangwa lidemoni lwa liamala kutuura mundu oyo hasi, liatura muye vugira kumusaliriza kali hakuzu.

Luka 8:29

Yavoola yaga kigira Yeso yaali nakungi mademoni kutura muye. Mademoni gaali ni gamugumira ku madiku manyingi. Kali niiva vandu vamuvoha virenge na amakono niminyororo ji vivia kandi vamulinda vudinyu, yakalanyia iminyororo zana. Lidemoni liamukunga nukumuhira muchangalangwe.

Luka 9:39

Lidemoni limugumiraa, ma ahene yaho akubaa zikwiri kandi limutuula hasi kuli windulumi matanga litula lufulu mumunwa; Lidemoni yili silimulekaa kali hadi mba; limudivizaa ligali.

Luka 9:42

Lwu muyayi oyo yaali niyazaa ku Yeso, lidemoni liamutuula nilimugalagalizira hasi kuli mundu wi indulumi. Navuzwa Yeso yagondokera lidemoni yilio, nahonyia muyaayi oyo ma namuhaana ku baba weve.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.