Marko 8:6 - KITABU KITAKATIFU

⁶ Yalaga avandu viikare hasi. Maku yavugula migadi saba nasaandiza Nyasaye, nameganyia, nahaana ku aviigi vagavuliri avandu.

Marko 8:6 Iomraidhean Croise

Matayo 26:26

Lwa vaali ni valiza, Yeso yavugula umulango gwu mugadi, nahaana ilisaandiza ma nameganyia. Yahaana ku aviigi veve navoora, “Vuguli mulie; yigu nu muviri gwange. ”

Marko 8:20

Yeso yavateva kandi, “Lwa ndaameganyia imigadi saba ku vandu izielefu zine, ni vihinda vianga via madonye via mwavungiza?” Navo vaamutivulira, “Saba.”

Marko 8:5

Yeso yavateva, “Muveeye ni migadi janga?” Navo vaamutivulira, “Saba.”

Marko 8:7

Vaali kandi nu tusuzi tutaveeye utunyingi. Yeso yagasiza utusuzi zana yitwo navoora tugavulilwi avandu kandi.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 24:30

Lwa yikala kulia viukulia harara navo, yavugula mugadi, nasandiza Nyasaye, nagomeganyia kandi natanga kuvaha.

Yohana 2:5

Mama weve yavolera avatumikiri, “Mukore choosi icha amuvoleraa.”

Yohana 6:23

Amato gandi kutura Tiberia gaduukaa havundu yaho ha avandu vaali nivaliriyange migadi yijo, inyima wu Mwami yaali niyakasandiza Nyasaye.

Varumi 14:6

Yavo vizominyaa lidiku lilala kuva linene na lidukiru vakora ndio ku likuminya Mwami; na yavo valiza chukulia choosi vakora ndio ku likuminya Mwami; kigira vahaana lisandiza ku Nyasaye. Yavo vavura kulia chukulia choosi vakora ndio ku likuminya Mwami, yavo kandi vahaana lisandiza ku Nyasaye.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

1 Samweli 9:13

Nonoho lwa mwingira mu lidaala, mulamunyoola vwangu nakikiri kuzia ku vwali kulia. Avandu vagenihiziywi si valatanga kulia nakikiri kuuza mba, kigira kuduuka agaasizi kihanwa kutanga. Mwanigiri kalunu; mulamunyoola ing'inga yiyi.”