Marko 8:34 - KITABU KITAKATIFU

³⁴ Yalanga ikiduma cha vandu na aviigi veve, navavoolera, “Mundu ku vosi uwenyaa kononda, yigaye umwene ma agingi musalaba gwigwe ma yanonde.

Marko 8:34 Iomraidhean Croise

1 Avami 14:8

Ndaatuliza vwami kutura ku visukululwi via Daudi, na nimbuhaana ku ivi. Navuzwa ivi si waali kuli mutumikiri wange Daudi mba, waali musuuvirifu ku inzi ligali, naahulira malago gange, kandi naakora agandavugilira geng'ine.

Livalidza 14:24

Navuzwa mutumikiri wange Kalebu kigira aveeye ni liiva lugano kandi aveeye musuuvirifu ku inzi, ndamuleeta mu kivala chamali kuzia mu nu kutunyiriza, kandi visukululwi vivie vilavugula kivala yiki.

Matayo 10:38

Mundu utavugula umusalaba gwigwe ma alonde mu zinduvatiru ziange, siaduukanaa kuva umulondi wange mba.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 27:32

Lwa vaali ni vazizaa, vanyoola mundu mulala uwalangwa Simoni kutura Kurene. Vamuniga agingi umusalaba gwa Yeso.

Marko 10:21

Yeso yamuhenza nu vuyanzi namuvolera, “Udaki vuzwa kindu kilala. Zia ugulizi viosi via oveeye navio na uhaane ku avadaka, na ivi ulava ni livikiru mwigulu; ma uzi ononde.”

Marko 7:14

Maku Yeso yalanga kandi ikiduma cha vandu navavoolera, “Munyi mwosi mumbulirizi, ma mumanyirize.

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Luka 14:33

Kunangwa, mundu woosi uvula koleka vindu viaveeye navio viosi, sianyala kuva mulondi wange mba.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Luka 20:45

Lwa avandu vosi vaali nivahulirizaa, Yeso yavolera aviigi veve,

Luka 9:23

Yavolera avandu vosi, “Niiva mundu woosi yenya kononda, gamudukira yigaye, kandi avuguli musalaba gwigwe yanonde kazozo.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 19:17

Yeso yatura ichova wilidaala linene nagingi musalaba gwigwe kuzia havundu halangwa, “Ha kihanga.” Mu Luheburaina ha langwa Gologoza.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 15:31

Avaamitu vange, Inzi ndolaa likuza vuli lidiku! Uvwelori vwambeeye navwo kigira munyi mu limenya lietu mu vuhambani vwitu na Kristo Yeso Umwami wiitu, voonombaa kovora yaga.

1 Vakorintho 8:13

Kulwa yaga, niiva chukulia nicho kelombaa amwavo wange kokora vwoni, sindalia inyama kandi mba, gase ndakora amiitu kokora vwoni.

1 Vakorintho 9:19

Kali nimbeeye umuvoholore kutura ku vandu vosi, inzi ndayekola umutugwa kunangwa nduuki konyolera Kristo avandu vanyingi kuli ganyalika.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vafilipi 3:7

Navuzwa ku viosi iviali vinyala kuva viu uvukala ku inzi, kalunu mbivalizaa kuva iligotiza kigira Kristo.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

2 Vatesalonike 3:11

Kovora yaga kigira kunyi kuhuliraa ndi vaveeye ho avalala ku munyi avamenyi nilimenya liu vugata, avavuraa kuyinzira, navuzwa ukwiyingiriza mu makuva ga vandu vandi.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Vahebraina 13:13

Kunangwa kalunu gendi kuzie kuduuki kuye ichova wa hokososa ma kusange mu linyegwa lilie.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

2 Petro 1:14

Manyi ndi ndaaza nguzi vwangu, kuli Mwami wiitu Yeso Kristo yambolera havulavu.

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.