Marko 8:33 - KITABU KITAKATIFU

³³ Navuzwa Yeso yagirung'ana nahenza aviigi veve naagondokera Petero na amuvoleraa, “Tula muzimoni ziange ivi Setani! Zing'anagani zizio siziveeye zia Nyasaye, navuzwa ni zia vandu.”

Marko 8:33 Iomraidhean Croise

2 Samweli 19:22

Navuzwa Daudi yavolera Abishai na amwavo weve Joabu, “Nivwaha oteevi ahevwe zing'anagani zienyu, munyi avayaayi va Zeruya? Lidiku linu, mumali kugwa avasigu vange! Inzi oveeye mwami wa Isiraeli kalunu, na Umuisiraeli mwosi kali mulala sialiitwa lidiku lia lero mba.”

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

Matayo 15:23

Navuzwa Yeso si yamutivulira kindu mba. Aviigi veve vaza kuye ni vamuvolera, “Umukungi azie! Akolondaa kandi akolaa liyoga inyima wiitu!”

Matayo 16:23

Navuzwa Yeso yikivuka navolera Petero, “Tula ku inzi Setani! Oveeye chu kwikigitariza ku inzi. Zing'anagani zizio si ziveeye zia Nyasaye, nitali ni zia avandu!”

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Marko 3:34

Yahenza avandu vaali ni vamukumbirizi navoora, “Heenzi! Yava nivo avaveeye mama wange na a vamwavo vange.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Luka 22:61

Mwami yikivuka, niyumika Petero. Petero yizuliza likuva liu Mwami kuli wa yamuvolera, “Lero idaywa nikikiri kulagula, ulanyambakana haali kavaga.”

Luka 4:8

Yeso yamutivulira, “Gang'odwa mu Mang'oda Matakatifu, ‘Ulasigamira Mwami Nyasaye woovo kandi utumikiri oyo yeng'ine!’ ”

Luka 9:55

Navuzwa Yeso yagirung'ana navagondokera.

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Tito 1:13

Lilolekiza yili liveeye lieligali. Kigira yaga, gakuduukiraa uvagondokere vululu, kunangwa vaduuki kuva valungi mu lisuuvira.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.

1 Yohana 2:15

Mutayaanza lirova, anoho kindu choosi chu mu lirova. Niiva mulayaanza lirova, ku simuyaanzaa Baba mba.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.