Marko 8:31 - KITABU KITAKATIFU

³¹ Maku Yeso yaatanga kwigiza aviigi veve navoora, “Gaduukanaa Mwana wa Adamu avitiri mulidambizwa ilinyingi nu kusuulwa na vakulundu na avasaalisi vanene harara na aviigi vi Lilaga. Aliitwa, na inyima wa madiku gavaga, alasimuguka.”

Marko 8:31 Iomraidhean Croise

Zaburi 118:22

Ligina liavumbaki vasuura, limali gugwa ligina linene liu mukoona.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Hosea 6:2

Inyima wa madiku gaviri, alakokola kove avahia; ku lidiku lia kavaga alakusingiliza, kandi kulamenya muye.

Jona 1:17

Ku lilaga lia Yahova, isuzi enene yaamira Jona, kandi yaali mundu mwisuzi ku madiku gavaga, mbasu nuvudiku.

Matayo 12:40

Kuli Jona yaali munda mwi isuzi enene madiku gavaga, mbasu nu vudiku, kandi nindio Umwana wa Adamu alava musi mwi lirova madiku gavaga, mbasu nu vudiku.

Matayo 21:42

Yeso yavateva, “Si mwasoma likuva yili mu Mang'oda Matakatifu? ‘Ligina liavumbaki vasuura limali kokolwa ligina linene liu mukoona. Mwami niyie wakola yaga; na gaveeye gokogenyia mu zimoni zietu!’

Matayo 27:63

ni vavoola, “Mwami, kwizulizaa umugadi ula yavoola nakikiri kukuza, ‘Inyima wa madiku gavaga ndasimuguka.’

Marko 12:10

Munyi mu kikiri kosooma Mang'oda Matakatifu yaga? ‘Ligina liavumbaki vasuura, liakolwa ligina linene liu mukoona.

Luka 17:25

Navuzwa imbiri wa yaga, gaduukanaa anyoore vusaliri vunyingi na ukwambanwa ni likula yili.

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Yohana 2:19

Yeso yavativulira, “Yononyi Litembeli yili ninzi ndaliumbaka kandi mu madiku gavaga.”

Vikolwa 7:35

“Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

1 Vakorintho 15:4

ndi yayavirwa, kandi naasimugukizwa inyima wa madiku gavaga, kuli Mang'oda Matakatifu gavoora;

1 Samweli 10:19

Inzi mbeeye Nyasaye winyu, umuhonyiaa kutura mu kivi chienyu kandi mu vudinyu vwinyu vwosi, navuzwa kalunu, mumali kunyambakana kandi muteevi inzi muhe mwami. Vulahi ligali; kunangwa, mwivungize imbiri wa Yahova kolondekana ku zihiiri zienyu kandi ku miliango jinyu.’ ”

1 Samweli 8:7

na Yahova yavoola, “Uhulirize ku vindu viosi via vandu vakovolera. Siaveeye ivi wa vamali kwambakana, navuzwa inzi niyie wa vamali kwambakana kuli Mwami wavo.