Marko 8:2 - KITABU KITAKATIFU

² “Mbererera avandu yava kigira vaali harara nainzi amadiku gavaga, na kalunu sivaveeye ni chukulia mba.

Marko 8:2 Iomraidhean Croise

1 Avami 19:6

Yahenza nalora mulango gwu mugadi, kandi ijuba ya mazi ahimbi numutwi gwigwe. Yaalia kandi naanwa ma naagona hasi kandi.

Zaburi 103:13

Yahova averereraa yavo avamutizaa, kuli baba averereraa avana veve.

Zaburi 145:15

Avandu vosi veereda ku ivi, kandi uvahezaa viukulia viavo mu zing'inga ziduukanaa.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Mika 7:19

Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Matayo 14:14

Yeso yatura mu liato, kandi lwa yalora ikiduma kenene cha vandu, umwoyo gwigwe gwizura ovovereri, kandi yahonyia vosi avaari avalwaye.

Matayo 20:34

Yeso yaavavererera, navadiira ku zimoni ziavo; ahene yaho, valora kandi ni vamulonda.

Matayo 9:36

Kunangwa, lwa yalora viduma via avandu yaavavererera, kigira vaali ni vadambaa kandi ni vasalana kuli amagondi gataveeye nu mwayi.

Marko 1:41

Yeso yiizurwa novovereri, nanyiira umukono namudiira, namuvolera, “Nyenya utakaswe!”

Marko 5:19

Navuzwa Yeso yamugaya, namuvolera, “Zia yengo woovo ku avandu vovo, uvavoolere ivindu vinene viu Mwami akokoleeye, kandi kuli amali kukovelerera.”

Marko 6:32

Kunangwa vataanga logendo venyine mu liato nivazia aha vandu vavura kuva.

Marko 6:34

Lwa Yeso yika ku lujinga lwinyanza, yalora ikiduma ekenene cha vandu navavererera, kigira vaali kuli amagondi gataali nu mwayi. Yaatanga kuvigiza ivindu vinyingi.

Marko 8:3

Niiva ndavavolera vazie yengo ninzara, ihuyuki ilatuula valala kunzira, kigira valala kuvo vatuli ihale.”

Marko 9:22

Haali kanyingi lidemoni liageriza kumwita ku limutuula mu muliru anoho mumazi. Okoveere zimbavasi, na okokonye niiva galanyalika!”

Luka 15:20

Kunangwa yasingira natanga logendo lwu kwirana ku baba weve. “Navuzwa lwa yaali nakikiri ihale, baba weve yamulola, kandi yamuvererera. Yanyagula, naamukumbelera kandi namuvusavusa.

Luka 7:13

Lwu Mwami Yeso yamulola yamuvererera, namuvolera, “Utalira mba.”

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vahebraina 5:2

Kigira oyo mwene aveeye mudedekere mu zinzira zinyingi, anyala kwikuzira no vohoma vwosi ku yavo avataveeye nilimanya navakolaa vudamanu.