Marko 8:12 - KITABU KITAKATIFU

¹² Yeso yatura umwika ligali kutura mugati mwimwe navoora, “Kigira ki likula yili lienyaa ekelolekizu? Muvooleraa agiligali, likula yili sililahevwa ekelolekizu choosi mba.”

Marko 8:12 Iomraidhean Croise

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Matayo 12:38

Kunangwa avalala ku Vafarisayo kandi Avigizi vi Lilaga vavoolera Yeso, “Mwigizi, kwenyaa kolole kelolekizu kutura ku ivi.”

Matayo 16:4

Likula lidamanu munyi, kandi ilitali lisuuvirifu ku Nyasaye, mwenya ekelolekizu kutura ku inzi! Awa! Si mulahevwa ekelolekizu kindi nikitaveeye ekelolekizu chaali cha Jona muporofeti chenyine mba.” Kunangwa, yavaleka nazia.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Marko 6:6

Yaagenya ligali kigira sivali ni lisuuvira linene mba. Yeso yavodong'ana mu madaala agaali ahimbi, ni yigiza avandu.

Marko 7:34

Inyima yahenza mwigulu natuula umwika, namuvolera, “Efaata,” iliveeye kovora, “Igulika.”

Marko 8:13

Maku yavaleka ni yingira mu liato niyambuka engeleka winyanza.

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Luka 19:41

Lwa yaduuka ahimbi Jerusalemi yalora lidaala zana, nalililira,