Marko 7:9 - KITABU KITAKATIFU

⁹ Yeso yavavolera kandi, “Munyi muveeye ninzira yu vugadi, yu kusuura amalago ga Nyasaye kunangwa muduuki konyoora inzira yokolonda amigizu ginyu aveene.

Marko 7:9 Iomraidhean Croise

Zaburi 119:126

O, Yahova, ing'inga iduuki ivi kokora kindu, kigira avandu vavunagi amalago googo.

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Marko 7:13

Munzira yiyi, amigizu gamuhanaa ku vandi gatulizaa ho likuva lia Nyasaye. Viveeye ho kandi ivindu vindi vinyingi viu lugano yilu ivia mukoraa.”

Marko 7:3

Kigira Vafarisayo na Vayuda vosi valonda amigizu ga vanyoola kutura ku avaguuga vaavo: sivalizaa chukulia nivatisaavi amakono gaavo munzira indahi kolondekana ni miima jaavo mba.

Marko 7:5

Kunangwa Avafarisayo na avigizi vi Lilaga vateva Yeso, “Kigira ki aviigi vovo si valonda imiima ja vaguuga viitu vaakolekela, navuzwa mu vogono yivwo, valiza na mamisu ku makono?”

Varumi 3:31

Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

Vagalatia 1:14

Ndaavita avanyingi ku Vayuda vache vange avi likula liange mu ligumira no kolonda lisuuvira lia Vayuda, niimba nu vugulu ligali kolonda miima ja avaguuga viitu.

Vagalatia 2:21

Sisulaa zimbavasi zia Nyasaye mba. Mundu naava naakolwa mulungi imbiri wa Nyasaye ku Lilaga, gaveeye kovora ndi, Kristo yakuza vugira kivuni!

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.