Marko 7:4 - KITABU KITAKATIFU

⁴ Sivalizaa ikindu choosi kutura mu chiitu nivakikiri kuchogiza kutanga mba. Valonda malago ni miima jindi minyingi ja vanyoola, kuli kwogiza ivikombe, izinyingu, zibakuli ni vituria vie migasa.

Marko 7:4 Iomraidhean Croise

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Jeremia 35:5

Kunangwa ndahaana ku vandu va Rekabu iwaini mu vikombe nuku zisahani niyizuuyi nimbavolera, “Munwi iwaini yiyi.”

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Matayo 23:25

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Mwogizaa ichova we kekombe ni sahani, navuzwa mugati mwavio mwizuyi ivindu via munyooye kuzinguru ne mbodoka.

Matayo 23:26

Ivi Mufarisayo muvoku! Wogize mugati mwe kekombe kutanga maku ichova nayo ilava inifu kandi.

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Marko 7:8

“Munyi mulekaa amalago ga Nyasaye ni mulonda imiima ja vandu.”

Yohana 2:6

Ziali ho ni zinyingu zinene sita izialombwa kutura ku magina, na vuli ndala yaali inyala kuginga zilita imia ndala. Ziali nizivikiywi ho kigira miima ja Avayuda ju kwitakasa.

Yohana 3:25

Amahangari malulu gatulira hagati ha valala ku aviigi va Yohana nu Muyuda mulala ku makuva gu kwisaava kolondekana ni miima ji lisuuvira liavo.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.