Marko 7:34 - KITABU KITAKATIFU

³⁴ Inyima yahenza mwigulu natuula umwika, namuvolera, “Efaata,” iliveeye kovora, “Igulika.”

Marko 7:34 Iomraidhean Croise

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Marko 1:41

Yeso yiizurwa novovereri, nanyiira umukono namudiira, namuvolera, “Nyenya utakaswe!”

Marko 15:34

Lwa yaduuka zisa tisa Yeso yalira nu mwoyo umunene navoora, “Eloi, Eloi, lama sabakatani?” Liveeye kovora, “Nyasaye wange, Nyasaye wange, kigira ki ondeki?”

Marko 5:41

Yagumira umwana mukono namuvolera, “Talitakumi,” iliveeye kovora, “Mwana mukaana, ngovolera uvuki!”

Marko 6:41

Maku Yeso yavugula imigadi jitano ni zisuzi ziviri yizio, nahenza mwigulu, nasaandiza Nyasaye, nameganyia imigadi, naha aviigi veve vagavuliri avandu. Yavagavulira izisuzi ziviri yizio, kandi hagati haavo vosi.

Marko 7:35

Ahene yaho amatu geege giigulika, nu ululimi lwilwe ni lovoholorwa, namoloma vulahi.

Marko 8:12

Yeso yatura umwika ligali kutura mugati mwimwe navoora, “Kigira ki likula yili lienyaa ekelolekizu? Muvooleraa agiligali, likula yili sililahevwa ekelolekizu choosi mba.”

Luka 18:42

Yeso yamuvolera, “Nyora lilola! Lisuuvira liilio likohonyi.”

Luka 19:41

Lwa yaduuka ahimbi Jerusalemi yalora lidaala zana, nalililira,

Luka 7:14

Kunangwa Yeso yisunda ahimbi, nadiira ku lisandugu, yavo avaari nivagingi muviri vasingira. Yeso yamuvolera, “Musoleri, ngovolera, Vuka!”

Yohana 11:33

Lwa Yeso yamulola nalira, Avayuda avavaali harara naye nivalira yizula vovereri ni ligenya mu mwoyo gwigwe.

Yohana 11:35

Yeso yalira.

Yohana 11:38

Kunangwa, Yeso yavelera kandi mu mwoyo, nazia ha kilindwa. Kilindwa zana chaali luhangaywa, na lwali ni lwakunikwa ni ligina.

Yohana 11:41

Kunangwa avandu vasuunda ligina. Yeso yahenza mwigulu navoora, “Ngusandizaa Baba kuva ivi umbuliraa.

Yohana 11:43

Lwa yamala kusaala munzira yiyi, Yeso yahanzuka nu mwoyo munene, “Lazaro! Tula ichova!”

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Vikolwa 9:34

Petero yamuvolera, “Aineya, Yeso Kristo akohonyie. Vuka, olohizi vogono vuvwo.” Aineya yavuka vwangu.

Vikolwa 9:40

Petero yavatuliza ichova vosi, nasigama, nasaara. Yagirung'ana kohenza mukuzu, navoora, “Tabita, vuka!” Naye yakunura zimoni zizie; lwa yalora Petero, yikala.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.