Marko 7:2 - KITABU KITAKATIFU

² Valora valala ku aviigi va Yeso nivalizaa ichukulia chavo na mamisu. Sivali nivisaavi amakono munzira idukanaa mba.

Marko 7:2 Iomraidhean Croise

Matayo 15:2

“Kigira ki aviigi vovo vononyia miima ja avaguuga viitu? Si viisaavanga amakono gaavo kuli gadukanaa ni vakikiri kulia!”

Marko 7:5

Kunangwa Avafarisayo na avigizi vi Lilaga vateva Yeso, “Kigira ki aviigi vovo si valonda imiima ja vaguuga viitu vaakolekela, navuzwa mu vogono yivwo, valiza na mamisu ku makono?”

Luka 11:38

Mufarisayo oyo yaagenya kolola ndi Yeso alizaa chukulia nakikiri kwisaava.

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 11:8

Navuzwa inzi ndavoora, ‘Awa, Mwami, kindu choosi ikitali kinifu anoho kidamanu kikikiri kwingira ku mu munwa gwange mba.’

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.