Marko 6:6 - KITABU KITAKATIFU

⁶ Yaagenya ligali kigira sivali ni lisuuvira linene mba. Yeso yavodong'ana mu madaala agaali ahimbi, ni yigiza avandu.

Marko 6:6 Iomraidhean Croise

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 8:10

Lwa Yeso yahulira yaga, yaagenya ligali navolera avandu vaali ni vamulonda, “Agiligali muvooleraa, ngikiri konyoolaku umundu woosi mu Isiraeli oveeye ni lisuuvira kuli yili.

Matayo 9:35

Yeso yavodong'ana mu madaala goosi kandi mu tudaala; hiyigiza mu masinagogi gaavo niyilwaza Ivangeri yu Vwami vwa Nyasaye, nahonyia zinguzu ziosi kandi uvulwaye vwi zing'ano ziosi.

Marko 1:39

Kunangwa Yeso yagenda mu Galilaya mwosi, ni yilwaza mu masinagogi gaavo, kandi nakunga amademoni.

Marko 10:1

Maku Yeso yatura yo nazia mu losoma lwi Vuyuda, niyambuka engeleka wu Mugera gwa Jorodani. Ividuma via vandu viamukumberiza, naye yaviigiza kuli gwaali umwima gwigwe.

Luka 13:22

Yeso yaazizagilira nologendo lwilwe kuzia Jerusalemi. Yavitira mumadala numutudaala, niyigiza avandu.

Luka 4:31

Kunangwa Yeso yasulunguta kuduuka Kaperinaumi, lidaala liveeye mu kivala cha Galilaya, yigiza avandu ku lidiku lie Lisabato.

Luka 4:44

Kunangwa Yeso yilwaza mu masinagogi mu Vuyuda mwosi.

Yohana 9:30

Naye yavativulira, “Yiki ni kindu chokogenyia ligali! Munyi simanyi waatura mba, navuzwa yakunura zimoni ziange!

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.