Marko 6:48 - KITABU KITAKATIFU

⁴⁸ Yalora aviigi veve nivanyang'anaa kuhila iliato kigira imbuza yaavahunzulanyia yiyi na yiyi. Lwa vwali nivuchezaa, hagati hi zisa tisa ni zisa likomi na ziviri zia mugamba, Yeso yazia kuvo na agendaa ku mazi ni yenya kuvavita.

Marko 6:48 Iomraidhean Croise

Litanga 19:2

navoora, “Avami vange, inzi mbeeye hano kutumikira munyi. Mwaza yaanzi muuzi munyumba yange. Mwisaave virenge vienyu kandi musoose mu vudiku vwa lero. Maku mulatula mugambazuri.” Navuzwa zingelosi yava vaativura, “Awa, kunyi kulava hano hagati hi lidaala linene vudiku vwa lero.”

Litanga 32:26

Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Ayubu 9:8

Oyo yeng'ine niyie uwaala ligulu, kandi niyie uwaseena seena gunyama gonene gwu munyanza nukugwita.

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 93:4

Yahova yamiha kuvindu viosi mwigulu. Yahova aveeye munene ligali kuvita lihuuma lienyanza. Aveeye wizingulu ligali kuvita viguvuli vienyanza.

Kutwula 14:24

Kunangwa mumavwevwe Yahova yahenza hasi kutura mumunaara gwu muliru kandi gwa malesi ku liihi lia vandu va Egebeti naavagoyanyia ligali.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Matayo 14:24

Ing'inga yene yeyo, liato liali ni limali kuduuka ihale hagati hinyanza ni lihunzulanyianywa yiyi na yiyi ni viguvuli kigira imbuza enene yahuuza nukuligoyaanyia.

Matayo 24:43

Navuzwa mwizurizi likuva yili Mwene inyumba alava niyamanya ing'inga yu mwivi yaazaa, ngano yakalindi, kandi siyakaleki inyumba yeeye ivunagwe mba.

Marko 13:35

Kulwayago munyi kandi mulindi kigira simumanyi lwu mwene winyumba alirana mba. Niiva alirana hamugorova, anoho mu vudiku hagati, anoho muzidaywa, anoho mugambazuri.

Marko 6:47

Lwa mugolova gwaduuka iliato liali hagati munyanza naye yaali yenyine ku lujinga.

Marko 6:49

Navuzwa lwa vamulola na agendaa ku mazi, vaganagana ni kigiingi. Vaakuba izikwiri.

Luka 12:38

Niyazaa kali vudiku hagati, anoho zisa tisa zia vudiku navanyoole nivakiri ndio, vaveeye nuvugasu avatumikiri yavo.

Luka 24:28

Kunangwa lwa vaduuka ahimbi ku kadaala ka vazizaa mu, Yeso yaloleka kuli uzizagilira nologendo.

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

1 Samweli 11:11

Vudiku yivwo Saolo yagavula vasaza vukulwaana veve mu viduma vivaga; kandi mugambazuri mumavwevwe, vazia zimbiru mu hokososa ha vasigu kandi niyingilira avandu va Amoni. Kuduuka mbasu hagati vaali nivaviiti. Avaari nivahononoki, musaza sa mulala niyirukaa ku vwivwe.