Marko 6:16 - KITABU KITAKATIFU

¹⁶ Lwa Herodi yahulira amakuva yaga, yavoola, “Uyu ni Yohana Mubatizi! Inzi ndaalaga umutwi gwigwe gukalwe, navuzwa usimuguki!”

Marko 6:16 Iomraidhean Croise

Zaburi 53:5

Navuzwa valatiihizwa ligali, kali kuvita kuli lwa vaali maziambiri, kigira Nyasaye alasaranyia ivigumba via avasigu va vandu veve. Nyasaye umali kuvasuura, kandi avandu va Isiraeli valavaguuta ligali.

Matayo 14:2

Yavolera avatumikiri veve, “Mundu uyu ligali niyie Yohana Mubatizi asimuguki kutura mu vakuzu! Yiki ni kigira aveeye ni zinguru yizi kokora vilolekizu.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Marko 6:15

Avandi navo vavoola, “Mundu uyu ni Elija.” Avandi vavoola, “Uyu aveeye muporofeti kuli mulala ku vaporofeti va kale.”

Marko 6:17

Herodi mwene yaali nahaani lilago Yohana agumirwi, ma avofwi ni minyororo, ma avikwi muvuhambe. Herodi yakola ndio kigira Herodia, umukali wa amwavo weve Filipo uwa yaali navuguyi kuva umukali weve.

Luka 9:9

Navuzwa Herodi yavoola, “Inzi ndalaga mutwi gwa Yohana gukalagwi. Navuzwa nu musaza ki uyu wa inzi mbulira vindu yivi kuye?” Maku yaazizagilira kogeriza alole Yeso.