Marko 6:12 - KITABU KITAKATIFU

¹² Kunangwa vaatura ni vilwazira avandu vaduuki kwiganira.

Marko 6:12 Iomraidhean Croise

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Matayo 11:1

Lwa Yeso yamala kuhaana malago ku aviigi veve likomi na vaviri, yatura ahene yaho nazia kwigiza nu kwilwaza mu madaala lia Galilaya.

Matayo 11:20

Hene yaho, Yeso yaatanga koleemba avandu va madaala aga yakola mu vilolekizu vinyingi, kigira si viganira uvwoni vwavo mba.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 3:8

Gamudukira mukore ivikolwa vimanyia ndi mumali kwiganira.

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Marko 1:3

Umwoyo gwu mundu mulala guhanzukaa mwigendanyama. ‘Mwetegekize inzira yu Mwami, Lungikizi zinzira zizie.’ ”

Luka 11:32

Avandu va Nineve valasingira ing'inga yi likalagirwa, navo valakakalagiri avandu vilikula kigira viganira ku amilwazo ga Jona; kandi henza, mulala oveeye munene kuvita Jona aveeye hano!

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 15:7

Kunangwa muvooleraa, munzira ndala nzere vulakave uvuyanzi vunyingi mwigulu mwoni mulala uwiganiyi kuvita avandu tisaini na tisa avaloleka avalungi, avatenyaa lieganira.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Luka 9:6

Aviigi yavo vaatura nivazia kwilwaza Ivangeri kandi nivahonyia avandu vulwaye havundu hoosi.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,