Marko 4:38 - KITABU KITAKATIFU

³⁸ Yeso mwene yaali inyima mu liato naagonaa naviiki mutwi ku ipilo. Aviigi veve vaamuvukiza ni vamuvolera, “Mwigizi, ivi siohendaa ndi koveeye ahimbi kudiva?”

Marko 4:38 Iomraidhean Croise

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Isaya 64:12

O, Yahova, uligaya ku vindu yivi viosi? Ulachiring'ana, kandi ulakoleka kuduuki kusalirizwa ligali?

Lisyoma lya Jeremia 3:8

Kali lwandaniraa vudinyu anoho nikulira kigira ovokonyi asuraa kuhaana mativuli ku lisaala liange.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 8:25

Aviigi vazia kuye nivamuvukiza nivavoora, “Mwami okohonyie, kudivaa!”

Marko 4:37

Kihuzuzi kenene chahuuza kandi iviguvuli ni vikuya ku liato, ma nilitanga kwizura amazi.

Marko 4:39

Yeso yavuka naagondokera imbuza, navoora “Kiring'ana! Lengela!” Imbuza yalekera, na gwaali umulengera munene.

Luka 8:24

Aviigi vazia kuvukiza Yeso nivamuvoolera, “Mwami, Mwami, kudivaa!” Yeso yavuka kandi nagondekera imbuza ni viguvuli via amazi; viakiring'ana kandi gwaali mulengera.

Yohana 4:6

Kidaho cha Yakobo, chaali ahene yaho. Kigira Yeso yaali naluhi ku logendo lwilwe, yikala ku lujinga lwi kidaho zana. Yaali ahimbi saa sita zia mbasu.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

1 Petro 5:7

Muviiki lihenda mwoyo lienyu liosi ku Nyasaye kigira amulindaa.