Marko 4:31 - KITABU KITAKATIFU

³¹ Loveeye kuli luguza lwi lisaazi, oloveeye olokekeke kuvita uvuguza vwosi mu lirova.

Marko 4:31 Iomraidhean Croise

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 60:22

Kali avandu vi zinyumba zienyu avaveeye avakeekeke kandi avaveeye avukwegehiza valava avanene kuli ihiiri yi zinguru. Lwa ing'inga indahi iduuka, ndakora yaga gekoleke vwangu ligali. Inzimbeeye Yahova!”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Marko 4:30

Yeso yavoola, “Kufananyia naki Uvwami vwa Nyasaye? Kutumikira lugano ki kwivaala?

Marko 4:32

Navuzwa lwa lutagwa, lomeraa nukugwa kitagwa kenene ligali kuvita vitagwa viosi; lutulizaa zisia zinene kuduuka amanyonyi gigulu galuhaa gumbakaa hasi mu chiriri chagwo.”

Luka 17:6

Mwami yavativulira, “Niiva lisuuvira lienyu liakaveeye likekeeke kali kuli luguza lwi lisaazi, ngano mwakavoleye mukuyu yigu, ‘Yihika ni miri josi na wisimiki munyanza,’ nu musaala yigwo gwakamuhuliyi.

Vikolwa 19:20

Ni ndio likuva liu Mwami liameeda kulaanda niliva ni zinguru kuvita ligali.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 21:20

Lwa vagahulira, vizominya Nyasaye. Maku nivavolera Paolo, “Amiitu, olola ni zielefu zia Vayuda vanga avamala kugwa vandu avasuuviraa kalunu; na vosi vagumira Lilaga lia Musa nu vugulu.

Vikolwa 4:4

Navuzwa avanyingi avahulira likuva, vasuuvira kandi livaliza lia avasuuviri liali ahimbi zielefu zitano.

Vikolwa 5:14

Navuzwa livaliza lia avandu vasuuvira Mwami, avasaza na avakali, yamedeka ligali.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”