Marko 4:19 - KITABU KITAKATIFU

¹⁹ navuzwa uvunyang'ani vwi lirova yili, iliegomba liu vutugi, harara ni liegomba lie vindu vindi viosi vingira muye mavikunika likuva zana; na kigira yaga goosi ilikuva zana silinyala kwama amakuyu mba.

Marko 4:19 Iomraidhean Croise

Tsing'ano 23:4

Utakola miyinzi minyingi konyoora vutugi mba; ove nu vogeri vunyingi vwokoleka yaga.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Kohelethu 4:8

Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 19:23

Yeso yavolera aviigi veve, “Ligali muvooleraa, vulakave vudinyu ligali ku vatugi kwingira mu Vwami vwu mwigulu.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Marko 4:18

Avandi vaveeye kuli uvuguza vugwizaa muvulimu vwa mafa. Yava nivo avahulira ilikuva,

Luka 10:41

Mwami Yeso yativura namuvolera, “Marita, Marita, ohendaa mwoyo kandi nunyang'ana ku vindu vinyingi.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 6:12

Uvulwani vwitu sivoveeye ku avandu, navuzwa ku mahi ga mademoni gu muvwerefu, uvwamihi, uvunyali kandi ku yavo avamiiha kivala chi kisundi yiki,

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

2 Petro 1:8

Ni muva ni vindu yivi muvunyingi, vilamukola kuva avaguru kandi avadukanu mu limanya Mwami wiitu Yeso Kristo.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.