Marko 3:8 - KITABU KITAKATIFU

⁸ Jerusalemi, Idumea, ni Ivugwi wu Mugera gwa Jorodani kandi kutura Tiro na Sidoni. Avandu yavo vaali kiduma kenene ligali. Vazia ku Yeso kigira vaali ni vaahuliyi ivindu vinyingi via yakola.

Marko 3:8 Iomraidhean Croise

Zaburi 45:12

Avandu kutura mu kivala cha Tiro valakoletera vihaanwa; avandu vatugi valageriza kwenya liyanzilira liilio.

Zaburi 87:4

“Lwa ndakang'ode zihiiri zimbuliraa, ndakameede ku avandu va Egebeti na Babiloni; Ndakavalizi avandu va Filisitia, Tiro na Ezopia, harara na vandu va Jerusalemi.”

Isaya 34:5

Yahova umali kwetegekiza kivavi chiche mu ligulu, na kalunu keveeye ahimbi kotema avandu vi kivala cha Edomu, ava Yahova amali kukalagira lidivizwa.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 4:25

Viduma vinene via avandu vaatura Galilaya, Dekapolisi, Jerusalemi, Ivuyuda, kandi engereka wa Jorodani vamulonda.

Marko 7:24

Yeso yatura ho kandi, nazia mu kivala cha Tiro na Sidoni. Yingira munyumba na avula kwenya umundu kali mulala amanye; navuzwa si yaali unyala kwivisa mba.

Marko 7:31

Lwa nyima Yeso yatura mu kivala cha Tiro, naavitira Sidoni, naduuka kunyanza ya Galilaya ma naavitira hagati hi kivala cha Dekapolisi kilangwa.

Luka 6:17

Lwa Yeso yaali niyakamara ku sulunguta kutura ku kiguru, harara na aviigi, yasingira mu kereremo harara ni kiduma kenene cha aviigi veve. Kiduma kenene cha avandu chaali ho kutura muzimbega, ziosi zie Ivuyuda na Jerusalemi kandi kutura mu madaala manene gukunyanza aga Tiro na Sidoni.

Joshua 15:1

Avandu vi Ihiiri ya Yuda vosi vanyoola kidieli chi kivala kolondekana ni viliango viayo kuli ndi: Kivala ichaduuka isavaalu ku keheri mwigendanyama lia Zini ha lwako lwa Edomu.

Joshua 15:21

Amadara manene gaveeye isavaalu agaalange agaavo, yago agaali ahimbi nu lwako lwa Edomu, gaali Kabuzeeli, Ederi, Jaguru,