Marko 3:5 - KITABU KITAKATIFU

⁵ Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Marko 3:5 Iomraidhean Croise

Litanga 6:6

yaali novovereri ligali kulilomba mundu nukumuviika ku lirova. Yidula ligali

1 Avami 13:6

Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

Nehemia 13:8

Ndavihilirwa ligali muno ma nisiuva ichova iviju vie inyumba viosi via Tobia.

Zaburi 95:10

Avandu yavo vaambihiliriza ku mihiga arubaini. Ndavoora, ‘Vaveeye avandu vataveeye avasuuvirifu! Vasuura kuhulira malago gange.’

Matayo 12:13

Maku yavolera mundu oyo, “Nyira mukono gugwo.” Naye yanyira mukono; nagwo gwahona, niguva kuli ugundi.

Marko 3:4

Maku Yeso yateeva avandu, “Amalago giitu gakuvugiliraa kokole ki ku lidiku lie Lisabato? Gaduukanaa kokonye anoho kusalirizi? Kohonyie ilivamwoyo liu mundu anoho kulidivizi?” Navuzwa vakiring'ana.

Luka 13:15

Mwami yamutivulira, “Avagaadi munyi aveeye ho nu mundu ku vosi hagati hinyu uvula kovoholora eng'ombe anoho isukiri yeeye kutura mu kego agihiri kunwa amazi ku lidiku lie Lisabato?

Luka 17:14

Lwa Yeso yavalola, yavavolera, “Zi mwimanye kuvasaalisi vamuhenze.” Kunangwa, lwa vaali nivazizaa, vatakaswa.

Luka 6:10

Lwa yamala kuvahenza vosi avaari ho, yavolera mundu wang'era mukono oyo, “Nyira mukono gugwo.” Naye yakola ndio, nu mukono gwahona kandi.

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

2 Vakorintho 3:14

Zing'anagani ziavo ziasiluhalizwa ligali; kandi kuduuka kalunu zing'anagani ziavo ziafuumwa ni kitambaya kilala chere lwa vasoma vitabu vie lilagaa likulu. Kitambaya zana yicho kitulizwa ho vuzwa lwu mundu ahambanywa na Kristo.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Vahebraina 3:10

Kunangwa, ndaali nuvutima na vandu yavo nimbora, ‘Vibaara ku inzi, kazozo kandi sivenyaa kuhulira malago gange mba.’

Vahebraina 3:17

Ni vanga vwaha ava Nyasaye yaali navo nuvutima ku mihiga arubaini? Ni yavo avaakoraa vwoni, avandu vakuzira mwigendanyama?

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Likunula 6:16

Navo vavoolera ivigulu yivi na amagina yago, “Kugwiri kandi mukuvisi kutura mu zimoni zia uyu wikaye kondeve yu uvwami kandi kutura ku uvutima vwu Mwana wi Ligondi!

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

1 Samweli 20:34

Jonazani yasingira kutura komesa mu vutima vululu na siyaalia kindu lidiku yilio mba, lidiku lia kaviri lie Lisavo liu Mweli Muhia. Yavererela Daudi mumwoyo gwigwe ligali, kigira Saolo yaali naamunyegi.